बाढीमा फसेकी महिलालाई डाेजरमा राखेर उद्धार

असार २७, २०७६ शुक्रबार १४:२२:३१ | हरि हुमागाईं

मकवानपुर - मकवानपुरमा एक जना गर्भवती महिलाको डोजरको सहायताले उद्धार गरिएको छ ।

भीमफेदी गाउँपालिकाको भैसे बागझोरा खोलामा बाढी आएका कारण गर्भवती महिलालाई हेटौँडा अस्पताल ल्याउन नसकेपछि डोजरको माध्यमले खोला तारिएको हो ।

निरन्तरको वर्षाका कारण हेटौँडाका धेरै स्थान डुबानमा परेका छन् । विशेषगरी हेटौँडाको शान्तिनगरका धेरै घरहरु डुबानमा परेका छन् । घर डुबानमा परेर समस्या भएकाहरुलाई उद्धार गर्ने काम भैरहेको सशस्त्र प्रहरी बल हेटौँडाका डिएसपी अमर खत्रीले जानकारी दिनुभयो ।

त्यस्तै बागमती गाउँपालिका-१ सम्झना बजारको सीमानामा राईगाउँबाट हेटौँडा जाँदै गरेको यात्रुबाहक बस खेस्रे खोलामा रोकिएको छ ।

हेटौँडा उपमहानगरपालिका-१३ को कुखरेनी खोलामा वर्षा बढ्दै गएपछि सतर्क रहन प्रशासनले खबरदारी गरेको छ । वर्षा र पहिरोले गर्दा लाइन नभएपछि खानेपानी र सञ्चार सुविधामा समस्या भएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्