वैदेशिक रोजगारीमा जानेको सङ्ख्या घट्यो

साउन २, २०७६ बिहीबार १९:८:१४ | उज्यालो सहकर्मी

काठमाण्डौ – गएको आर्थिक वर्षमा वैदेशिक रोजगारीमा जानेको सङ्ख्या घटेको छ ।

वैदेशिक रोजगार विभागको तथ्याँक अनुसार आर्थिक वर्ष २०७४/७५ को तुलनामा यो वर्ष विदेश जानेको संख्या एक लाख तीन हजार ८ सय ५७ जनाले घटेको हो ।

आर्थिक वर्ष २०७४/०७५ मा ६ लाख १२ हजार ६ सय ८५ जनाले श्रम स्वीकृति लिएकोमा आर्थिक वर्ष २०७५/७६ मा ५ लाख ८ हजार ८ सय २८ जनाले मात्रै विदेश जानका लागि अन्तिम श्रम स्वीकृति लिएका छन् । जसमा ३२ हजार १ सय २३ महिला र अरु पुरुष रहेका छन् ।

अघिल्लो वर्ष जस्तै यो वर्ष पनि कतार जानेको संख्या धेरै छ । अघिल्लो वर्ष एक लाख ८३ हजार ५४२ जना कतार गएकोमा यो वर्ष एक लाख ६१ हजार २ सय १५ जना गएका छन् ।

यस्तै यूएईमा १३ हजार ४ सय ७२ महिलासहित एक लाख १९ हजार ८ सय ५५, साउदी अरबमा २ हजार ३३ महिला सहित १ लाख १७ हजार ९ सय ४ जना रोजगारीको लागि गएका छन् । २५ हजार ९ सय ९६ जना कुवेत गएका छन् । यस्तै बहराइनको लागि ७ सय ४७ महिलासहित ८ हजार ६ सय ७४ जनाले श्रम स्वीकृति लिएका छन् ।

यो वर्ष मलेसियाको रोजगारी बन्द भए पनि ४२ हजार १ सय ४६ जना कलिङ भिसामार्फत गएका छन् । कलिङ भिसा आएकाका लागि खुले पनि नयाँ कामदारका लागि मलेसियाको रोजगारीको ढोका अझैं बन्द नै छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्