‘भीसीटीएस’ खारेज गर्न ढुवानी व्यवसायीको माग

साउन ३, २०७६ शुक्रबार १४:४:२६ | उज्यालो सहकर्मी

काठमाण्डाै - यातायात व्यवसायी, ढुवानी व्यवसायी एवम् यातायात मजदूरहरुले ‘मालवस्तु तथा ढुवानी साधनको अनुगमन प्रणाली (भीसीटीएस)’ तत्काल खारेज गर्न सरकारसँग माग गरेका छन् ।

शुक्रबार काठमाण्डाैमा पत्रकार सम्मेलन गरी यातायात व्यवसायी, ढुवानी व्यवसायी र यातायात मजदूर समितिले साउन १ गतेदेखि सञ्चालनमा ल्याइएको प्रणाली मान्य नहुने दावी गर्दै तत्काल खारेज गर्न सरकारसँग माग गरेको हो ।

प्रणालीमा ढुवानी व्यवसायीले गल्ती गरेमा पहिलो पटक ५० हजार, दोस्रो पटक ७५ हजार जरिबानासहित ढुवानीका साधनसमेत जफत गर्ने प्रावधान राखिएकोमा आपत्ति जनाउँदै तत्काल खारेज गर्न सरकारसँग माग गर्नुपरेको यातायात व्यवसायी, ढुवानी व्यवसायी तथा यातायात मजदुर समितिका संयोजक गोकर्ण पराजुलीले जानकारी दिनुभयो ।

उहाँले आयात, निर्यात गर्ने उद्योगीहरुलाई नभइ आफूहरुलाई मारमा पार्ने गरी ल्याइएको प्रणाली तत्काल खारेज नभए ढुवानीको सम्पूर्ण सेवा ठप्प पार्ने चेतावनी पनि दिनुभयो ।

समितिले सानो लगानीमा रहेका ढुवानीकर्ताहरुलाई उठ्नै नसक्ने प्रावधानसहित सरकारले प्रणाली सञ्चालनमा ल्याएकोमा आक्रोश पनि व्यक्त गरेको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्