प्रदेश ५ का सबै पालिकामा वाणिज्य बैंकका शाखा पुगे, कर्णाली सबैभन्दा पछाडि

साउन ५, २०७६ आइतबार ११:१०:३ | उज्यालो सहकर्मी

काठमाण्डौ – देशभरका ७ सय ५३ पालिका मध्ये ७ सय ३० वटा पालिकामा वाणिज्य बैंकका शाखा पुगेका छन् । अब २३ वटा पालिकामा मात्रै वाणिज्य बैंकका शाखा पुग्न बाँकी रहेको र ती पालिकामा पनि छिटै खोलिने नेपाल राष्ट्र बैंकले जनाएको छ ।

राष्ट्र बैंकले सार्वजनिक गरेको आर्थिक वर्ष २०७५/७६ को देशको वर्तमान आर्थिक तथा वित्तिय स्थितिले प्रदेश पाँच का सबै पालिकामा वाणिज्य बैंकका शाखा पुगेको जनाएको छ । प्रदेश पाँचका १ सय ९ मध्ये सबै पालिकामा वाणिज्य बैंकका शाखा पुगेका छन् । यस्तै कर्णाली प्रदेशका १० वटा पालिकामा अझै बैंकका शाखा पुगेका छैनन् । कर्णालीका ७९ वटा पालिकामध्ये अहिलेसम्म ६९ पालिकामा मात्रै बैंकका शाखा पुगेका छन् ।

यस्तै, प्रदेश एक का १ सय ३७ मध्ये १ सय ३६ पालिकामा, प्रदेश २ का १ सय ३६ मध्ये १ सय ३४ पालिकामा बैंक पुगेका छन् । यस्तै प्रदेश ३ का १ सय १९ मध्ये १ सय १७ पालिकामा, गण्डकी प्रदेशका ८५ मध्ये ८३ पालिकामा र सूदूरपश्चिमका ८८ मध्ये ८२ वटा पालिकामा बैंकका शाखा पुगेका छन् ।

नेपाल राष्ट्र बैंकबाट इजाजत प्राप्त बैंक तथा वित्तीय संस्थाहरुको संख्या २०७५ असार मसान्तमा १ सय ५१ रहेकोमा २०७६ जेठ मसान्तमा १ सय ७६ पुगेको छ । अहिले २८ वाणिज्य बैंक, ३२ विकास बैंक, २४ वित्त कम्पनी, ९१ लघुवित्त वित्तीय संस्था र १ पूर्वाधार विकास बैंक सञ्चालनमा रहेका छन् । यी बैंक तथा वित्तिय संस्थाका बैंक तथा वित्तीय ८ हजार ५ सय ६४ शाखा रहेका छन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्