भारतीय राष्ट्रिय चलचित्र पुरस्कार : आयुष्मान खुरानाकाे 'अन्धा धुन' ले जित्याे सर्वश्रेष्ठ चलचित्रको पुरस्कार

साउन २४, २०७६ शुक्रबार २०:५३:३८ | उज्यालो सहकर्मी

६६ औँ भारतीय राष्ट्रिय चलचित्र पुरस्कारको घोषणा भएको छ । दिल्लीको शास्त्री भवनमा आयोजित एक कार्यक्रममा राष्ट्रिय पुरस्कारको घोषणा गरिएको छ ।

सन् २०१८ को राष्ट्रिय चलचित्र पुरस्कारमा हिन्दी भाषामा सर्वश्रेष्ठ चलचित्रको पुरस्कार 'अन्धा धुन' ले पाएको छ । त्यस्तै सर्वश्रेष्ठ कथानक चलचित्रको पुरस्कार गुजराती चलचित्र 'हेल्लारो' पाएको छ ।

'अन्धाधुन' को चलचित्रको निर्देशन श्रीराम राघवनले गरेका हुन् । चलचित्रमा आयुष्मान खुराना, राधिका आप्टे र तब्बूले मुख्य भूमिका निभाएका छन् ।

त्यस्तै सर्वश्रेष्ठ अभिनेताको पुरस्कार दुई अभिनेताले बाँडेका छन् । चलचित्र 'अन्धाधुन' का लागि आयुष्मान खुराना र 'उरी : द सर्जिकल स्ट्राइक' को लागि विक्की कौशलले जितेका छन् ।

सर्वश्रेष्ठ अभिनेत्रीको पुरस्कार तेलुगू चलचित्र 'महानटी' की अभिनेत्री कीर्ति सुरेशले जितेकी छिन् ।

त्यस्तै सहायक भूमिकाको बारेमा कुरा गर्दा यो पुरस्कार स्वानन्द किरकिरेलाई मराठी चलचित्र 'चुम्बक' बाट मिलेको छ । सहायक अभिनेत्रीको पुरस्कार सुधा सीकरीले जितिन् । उनले हिन्दी चलचित्र 'बधाई हो' बाट जितेकी छिन् ।

सर्वश्रेष्ठ संगीत निर्देशनको पुरस्कार 'पद्मावत' चलचित्रका लागि सञ्जय लीला भन्सालीले जितेका छन् । सर्वश्रेष्ठ गायकको पुरस्कार 'पद्मावत' बाटै अरिजीत सिंहले जितेका छन् ।

त्यस्तै चलचित्रको लागि सबैभन्दा अनुकुल राज्यको पुरस्कार उत्तराखण्डले जितेको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्