यूएईका राजदूतलाई अर्थ मन्त्रीको आग्रह : फलफूल र हिमालको पानीमा लगानी गरेर निर्यात गर्नुहोस्

साउन २९, २०७६ बुधबार १९:६:३९ | उज्यालो सहकर्मी

काठमाण्डौ – अर्थ मन्त्री डा. युवराज खतिवडाले संयुक्त अरब इमिरेट्स(यूएई)लाई उपयुक्त वातावरण भएकाले नेपालमा लगानी गर्न आग्रह गनुभएको छ ।

अर्थ मन्त्रालयमा नेपालका लागि संयुक्त अरब इमिरेट्सका राजदूत सईद हमदान अल नाक्वीसँग भएको भेटवार्तामा अर्थमन्त्री डा. खतिवडाले नेपालमा लगानीका लागि धेरै अवसर भएकाले समयमै पूर्वाधार तथा औद्योगिक क्षेत्रमा लगानी गर्न आग्रह गर्नुभयो ।

‘नेपालको सिँचाइ, ऊर्जा, भौतिक संरचना विकास, पर्यटन, कृषि जस्ता क्षेत्रमा प्रतिस्पर्धी लगानीको उपयुक्त वातावरण छ, अरबमा नेपालका ताजा तरकारी, फलफूल, हिमालयको पानीलगायतका बस्तुलार्ई प्राथमिकतामा राखेर निर्यात गर्न सकिन्छ’, खतिवडाले भन्नुभयो ।

मन्त्री खतिवडाले नेपालमा पर्यटन वर्ष २०२० बनाउन लागिएको सन्दर्भमा अरबका अर्थ मन्त्रीलाई नेपाल भ्रमणको निमन्त्रणा गर्दै अरबी नागरिकलाई राजदूतमार्फत निमन्त्रणा सन्देश पठाएर नेपाल भ्रमणमा आउन आग्रह गर्नुभयो ।

नेपालका अर्थ मन्त्रीलाई संयुक्त अरब इमिरेट्सको भ्रमणका लागि त्यहाँका अर्थ मन्त्रीको निमन्त्रणा रहेको बताउँदै राजदूत अल नाक्वीले नेपालको हवाई सेवा तथा अन्य क्षेत्रमा लगानी हुन सक्ने तर दोहोरो कर मुक्ति सम्झौता आवश्यक रहेको बताउनुभयो ।

राजदूतदले नेपाललाई आर्थिक साझेदारीको रुपमा व्यापार सहजीकरणका लागि विशेष सुविधा उपलब्ध गराउन तयार भएको जानकारी गराउनुभयो । अरब सरकारले नेपालमा पाँचवटा सुख्खा बन्दरगाह बनाउन इच्छा व्यक्त गरेको समेत राजदूत अल नाक्वीले बताउनुभयो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्