ललितपुरको पुल्चोकमा तिज व्यापार मेला

साउन ३२, २०७६ शनिबार १०:५:२९ | उज्यालो सहकर्मी

ललितपुर – ललितपुरको पुल्चोकमा तिज व्यापार मेला सुरु भएको छ ।

आइतबारसम्म चल्ने मेलामा महिला उद्यमीले तयार पारेका हस्तकलाका सामान तथा खाद्य सामग्री राखिएको छ ।

मेला १० हजार जनाले अवलोकन गर्ने आयोजक विन बहुउद्देश्यीय सहकारी संस्था लिमिटेडले जनाएको छ । महिलाले पनि केही गरेर देखाउन सक्छ भन्ने सन्देश दिनका लागि मेला गरिएको सहकारीका अध्यक्ष रेखा अर्यालले जानकारी दिनुभयो ।

नेपाल हस्तकला महासंघका अध्यक्ष धर्मराज शाक्यले नेपाली कला, सीप र उत्पादनका लागि महिला उद्यामीको महत्वपूर्ण भूमिका रहेको बताउनुभयो ।

मेलामा प्राकृतिक रेशाजन्य वस्तु, ढाका तथा घरबुना सामान, हाते कागजका बस्तुहरू, काष्ठजन्य बस्तुहरू, जैविक खाद्यपदार्थ, सजावटका सामानलगायतका एक सय स्टल राखिएका छन् ।

मेलामा सहभागी घरेलु तथा साना महिला उद्यमीहरुले घरेलु हस्तकलाका समस्यालाई ठूला व्यपारीले नबुझेको गुनासो गरेका छन् । कार्यक्रममा स्वच्छ व्यवसायी संघका अध्यक्ष मिरा भट्टराईले सन् २००६ देखि महिला उद्यमीहरुका लागि व्यापार प्रवद्र्धन गर्न मेला सुरु गरिएको बताउनुभयो ।

महिला उद्यमी महासंघका अध्यक्ष शारदा रिजालले विश्वमा ५३ औँ स्थानमा नेपालका महिला उद्यमीहरु रहेका भन्दै राजनीतिमा लागेका महिलाले पनि महिलाको आर्थिक शसक्तिकरणमा विशेष जोड दिनुपर्ने बताउनुभयो ।

मानुसीकी अध्यक्ष एवं महिला उद्यमी पदमासना शाक्यले महिला उद्यमीहरुमा सुचना, नेटवर्किङ र काउन्सिलिङको अभाव रहेको भन्दै केही गरेर देखाउने महिलाको थलोको रुपमा विन स्थापित भएकोमा खुसी व्यक्त गर्नुभयो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्