प्रचण्डको अध्यक्षतामा सुरु भयो नेकपाको सचिवालय बैठक

भदौ ९, २०७६ सोमबार १३:७:३१ | उज्यालो सहकर्मी

काठमाण्डौ - नेपाल कम्युनिष्ट पार्टीका अध्यक्ष पुष्पकमल दाहालको अध्यक्षतामा पहिलो पटक सचिवालय बैठक सुरु भएको छ ।

पार्टी कार्यालय धुम्बाराहीमा बसेको सचिवालय बैठकमा वरिष्ठ नेता झलनाथ खनाल, माधवकुमार नेपाल, वामदेव गौतम, नारायणकाजी श्रेष्ठ, ईश्वर पोखरेल, रामबहादुर थापा, विष्णु पौडेल सहभागी हुनुहुन्छ ।

प्रधानमन्त्री एवं पार्टीका अर्का अध्यक्ष केपी शर्मा ओली उपचारका लागि सिंगापुर जानुभएकाले बैठकको अध्यक्षता दाहालले गर्नुभएको हो । पार्टी एकीकरणको १५ महिनापछि दाहालको अध्यक्षतामा बैठक बसेको हो । यसअघि दुवै अध्यक्षको उपस्थितिमा मात्रै बैठक बस्दै आएको थियो ।

सिंंगापुर जानुअघि अध्यक्ष प्रचण्डलाई पार्टी एकीकरणको बाँकी काम सक्ने जिम्मेवारी दिँदै बैठकको अध्यक्षता गर्ने अधिकार पनि सुम्पेर जानुभएको थियो । बैठकमा महानगर अध्यक्ष तथा सचिवका साथै प्रवास कमिटीबारे छलफल हुने तय भएको छ ।

अन्तिम अपडेट: माघ १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्