बामदेव गौतम आज सिंगापुर जाँदै

भदौ १८, २०७६ बुधबार ११:४५:३१ | उज्यालो सहकर्मी

काठमाण्डौ – नेपाल कम्युनिष्ट पार्टी नेकपाका संगठन विभाग प्रमुख बामदेव गौतम बुधबार सिंगापुर जाँदै हुनुहुन्छ । सिंगापुरमा उपचार गराइरहेका प्रधानमन्त्रीसमेत रहेका नेकपा अध्यक्ष केपी शर्मा ओलीलाई भेट्न गौतम सिंगापुर जान लाग्नुभएको हो ।

उहाँ दिउँसो १ बजेपछि सिंगापुर जाने तय भएको गौतमको निजी सचिवालयले जनाएको छ । उहाँ मंगलबार नै पार्टी महासचिव विष्णु पौडेलसँगै प्रधानमन्त्री ओलीलाई भेट्न सिंगापुर जाने भनिए पनि पछि हल्ला मात्रै भएको भनिएको थियो ।

त्यसपछि महासचिव पौडेल मात्रै मंगलबार सिंगापुर जानु भएकोमा बुधबार संगठन विभाग प्रमुख गौतम पनि त्यसतर्फ जान लाग्नुभएको हो ।

प्रधानमन्त्री ओलीको स्वास्थ्य उपचार प्रक्रिया बुधबार सकेर शुक्रबार स्वदेश फर्कने तयारी छ । महासचिव पौडेल र संगठन विभाग प्रमुख गौतम अब प्रधानमन्त्री ओलीसँगै शुक्रबार नै फर्कने योजना छ ।

अन्तिम अपडेट: माघ १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्