नेपालकाे राजनीति तल्लोस्तरमा आइपुग्याे, सुधार गर्ने बेला आइसक्याे : कांग्रेस महामन्त्री काेइराला

भदौ २२, २०७६ आइतबार १९:२५:३६ | उज्यालो सहकर्मी

काठमाण्डौ – प्रमुख प्रतिपक्ष दल नेपाली कांग्रेसका महामन्त्री डा. शशांक कोइरालाले नेपालकाे राजनीति तल्लोस्तरमा आइपुगेको टिप्पणी गर्नुभएको छ ।

कांग्रेस महामन्त्री कोइरालाले बीपी कोइरालाबाट सिकेर नेपालकाे राजनीतिलाई सफा र निष्कलंक बनाउन ढिलो गर्न नहुने स्पष्ट पार्नुभयो । आइतबार काठमाण्डौमा ‘बीपी कोइरालाको डायरी’ लोकार्पण कार्यक्रममा बोल्दै उहाँले बीपी कोइराला जीवनको सुरुवात कालमा वामपन्थी भएको खुलासा पनि गर्नुभयो ।

‘भारतीय स्वतन्त्र संग्राम आन्दोलनका बेला बीपी वामपन्थी हुनुहुन्थ्यो’, बीपीका छोरासमेत रहनुभएका महामन्त्री कोइरालाले भन्नुभयो, ‘पछि भारतीय नेताहरुको प्रभावमा परेपछि बीपी प्रजातन्त्रवादी हुनुभयो ।’

महामन्त्री कोइरालाले बीपीले ‘तिमी १८ वर्षको भएर पनि कम्युनिष्ट भएनौ भने तिम्रो हृदय नभएको’ भनाइ राख्ने गरेको पनि स्मरण गराउनु भयो । त्यसैगरी बीपीले ‘तिमी २५ वर्षको भएर पनि कम्युनिष्ट छौ भने तिम्रो दिमाग छैन’ भनेर आफूलाई भन्नु भएको पनि बताउनु भयो ।

कार्यक्रममा बोल्दै कांग्रेस नेता शेखर कोइरालाले संविधान विपरीत अघि बढेको भन्दै सरकारको चर्को आलोचना गर्नुभयो । उहाँले प्रदेश र स्थानीय तहको सबै अधिकार संघीय सरकारले हस्तक्षेप गरिरहेको उल्लेख गर्दै आपत्ति पनि जनाउनु भयो ।

नेता कोइरालाले मुलुकमा भ्रष्टाचार व्याप्त हुँदा पनि सरकारले नियन्त्रणका लागि ठोस पहल गर्न नसकेको आरोप लगाउनु भयो ।

अन्तिम अपडेट: माघ १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्