देशभर ३५ हजार बिरुवा रोप्दै कांग्रेसले सुरु गर्‍याे दोस्रो चरणको जागरण अभियान

भदौ २४, २०७६ मंगलबार १९:४०:४९ | उज्यालो सहकर्मी

काठमाण्डौ - नेपाली कांग्रेसले मंगलबार देशैभर गरेर झण्डै ३५ हजार बिरुवा रोपेको छ ।

दोस्रो चरणको राष्ट्रिय जागरण अभियानको सुरुवात गर्दै कांग्रेसले हरेक प्रदेशसभा निर्वाचन क्षेत्रमा वृक्षारोपण गरेको हो । बीपी कोइरालाको १०६ औँ जन्मजयन्तीका दिन पारेर दोस्रो चरणको अभियान सुरु गरिएकाले प्रत्येक प्रदेशसभा निर्वाचन क्षेत्रले १ सय ६ वटै विरुवा रोपिएको कांग्रेसका प्रवक्ता विश्वप्रकाश शर्माले जानकारी दिनुभयो ।

अभियानका लागि कांग्रेसले हरेक प्रदेशसभा निर्वाचन क्षेत्रमा एक जना केन्द्रीय प्रतिनिधि खटाएको छ । पर्यावरण रक्षाका लागि नयाँ सन्देश दिन पनि विरुवा रोपेर अभियान सुरुवात गरिएको प्रवक्ता शर्माले बताउनुभयो ।

असोज ७ गतेसम्म चल्ने अभियानमा कांग्रेसले सामाजिक विकृतिका मुद्दालाई प्राथमिकताका साथ उठाउनुका साथै शहीद परिवार र द्वन्द्व पीडितसँग अन्तरक्रिया गर्ने छ ।

कांग्रेसले यसअघि गएको वैशाख २५ देखि जेठ २५ सम्म एक महिना पहिलो चरणको अभियान सञ्चालन गरेको थियो ।

अन्तिम अपडेट: माघ १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्