जनजागरण अभियानमा नेकपाले आक्रमण गरेको कांग्रेसको आरोप, जिल्ला सभापतिको हात भाँच्चियो

भदौ २६, २०७६ बिहीबार २०:१७:४१ | उज्यालो सहकर्मी

बाँके – नेपाली कांग्रेस बाँकेले दोश्रो चरणको राष्ट्रिय जनजागरण अभियानअन्तर्गत बाँकेको सीतापुरमा बिहीबार भएको कार्यक्रममा अवरोध भएको जनाएको छ ।

नेपाली कांग्रेस बाँकेले बिहीबार साँझ आकस्मिक पत्रकार सम्मेलन गरी प्रहरीको सहयोगमा सत्तारुढ नेकपाका कार्यकर्ताबाट आफूहरुको कार्यक्रममा अवरोध सिर्जना भएको दाबी गरेको छ ।

नेपाली कांग्रेसका केन्द्रीय प्रतिनिधि विद्याप्रसाद खनालले आफूहरुमाथि सत्ताधारी पार्टीका कार्यकर्ताबाटै आक्रमण भएको टिप्पणी गर्नुभयो ।

कांग्रेस बाँकेका सभापति किरण कोइरालाले आफूहरुको शान्तिपूर्ण कार्यक्रममा नेकपा कार्यकर्ताले हस्तक्षेप गरी आक्रमण गरेको दाबी गर्नुभयो । नेकपा कार्यकर्ताको आक्रमणबाट आफ्नो हात भाँच्चिएको उहाँले जानकारी दिनुभयो ।

जागरण अभियानअन्तर्गत बुधबार खजुरा गाउँपालिकाको राधापुरमा कांग्रेसले गरेको कार्यक्रममा कांग्रेसकै एक जना कार्यकर्ताले सडक निर्माणमा अनियमितता भएको भन्दै एक जना कांग्रेस कार्यकर्ताले बालेको भिडियो सामाजिक सञ्जालमार्फत सार्वजनिक गरेका थिए ।

आफ्नाे अनुमतिबिना सम्पादन गरी भिडियो सार्वजनिक भएको भन्दै कांग्रेसकै कार्यकर्ता भुवन थापाले कांग्रेसकै कार्यकर्ता असलम भाटविरुद्ध प्रहरीमा उजुरी दिएपछि घटना भएको हो ।

उजुरीपछि प्रहरीले बोलाउँदा उपस्थित नभएपछि भाटलाई छलफलका लागि बोलाउन गएको प्रहरी टोलीलाई बिहीबार कांग्रेस नेताहरुले कार्यक्रम समापन हुँदासम्म पर्खन आग्रह गरेका थिए । तर त्यही क्रममा नेकपाका केही कार्यकर्ताहरु एक्कासि कांग्रेसको कार्यक्रम हलभित्र प्रवेश गरी भाटलाई प्रहरीसमक्ष बुझाउन दबाब दिए ।

त्यही क्रममा कांग्रेस सभापति कोइरालालाई चोट लागेको प्रत्यक्षदर्शीले बताए । नेकपा बाँकेले भने घटनाबारे अनभिज्ञता प्रकट गरेको छ । पार्टी अध्यक्ष आईपी खरेलले कुनै पनि पार्टीको कार्यक्रममा अवरोध गर्ने आफूहरुको नीति नभएको बताउनुभयो ।

अन्तिम अपडेट: माघ १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्