म्याग्दीको कोटखोलामा आएको बाढी गाउँ पस्यो, २ बालिका सम्पर्कविहीन, २ घर भत्किए

असोज ५, २०७६ आइतबार ८:३५:४६ | प्रताप बानियाँ

म्याग्दी – बेनी नगरपालिका–२ ज्यामरुककोटको कोटखोलामा आएको बाढी शनिबार राति बस्तीमा छिरेपछि भागदौड हुँदा २ जना बालिका सम्पर्कविहीन भएका छन् ।

बेनपा, बगरफाँट बस्ने पार्वती परियारकी १० वर्षीया छोरी प्रविना परियार र यही ठाउँ बस्ने अनिता परियारकी ६ वर्षीया छोरी अनुस्का परियार सम्पर्कविहीन भएको जिल्ला प्रहरी कार्यालय म्याग्दीले जनाएको छ ।

बाढीका कारण बगरफाँटका रेशम जुग्जाली र विष्णु परियारको एकतले टिनले छाएको तथा ब्लकले बनाएको घर भत्केको प्रहरीले जानकारी दिएको छ ।

खोलामा आएको बाढी बस्तीमा पसेर क्षति पुर्‍याउन थालेपछि भागदौड हुँदा २ जना बालिका सम्पर्कविहीन भएको प्रहरीको भनाइ छ । सम्पर्कविहीन बालिकाको खोजी भइरहेको प्रहरीले जनाएको छ ।

बाढीबाट के–कति क्षति भयो भन्नेबारे थप विवरण आउन बाँकी छ ।

अन्तिम अपडेट: मंसिर १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रताप बानियाँ

म्याग्दीमा बसेर पत्रकारिता गर्ने प्रताप बानियाँ उज्यालोका जिल्ला सम्वाददाता हुनुहुन्छ । उहाँले मुस्ताङका खबर पनि सम्प्रेषण गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्