आत्महत्या दुरुत्साहनको मुद्दा लागेपछि बाबुले छोरीलाई सल्फास खुवाए, आफूले पनि गरे आत्महत्या

असोज ६, २०७६ सोमबार १६:४८:३७ | सीताराम ओझा

कैलाली – आत्महत्या दुरुत्साहनको मुद्दा लागेपछि कैलालीमा बाबुले छोरीको हत्यासँगै आत्महत्या गरेका छन् ।

गौरीगंगा नगरपालिका–५ का रामबहादुर कलेलले छोरीलाई सल्फास सेवन गराएर आफूले पनि आत्महत्या गरेका हुन् । उनले तीन वर्षीय छोरी अनुष्कालाई सल्फास खुवाएपछि आफैले पनि खाएका थिए ।

जिल्ला प्रहरी कार्यालय कैलालीका प्रहरी नायब उपरीक्षक (डीएसपी) दक्षकुमार बस्नेतका अनुसार गएको वैशाख १६ गते रामबहादुरकी श्रीमती सरिता कलेलले कोठामै झुण्डिएर आत्महत्या गरेपछि उनीविरुद्ध आत्महत्या दुरुत्साहनको मुद्दा दर्ता गरिएको थियो ।

सरिताका माइती पक्षले रामबहादुरविरुद्ध आत्महत्या दुरुत्साहन मुद्दा दर्ता गरेका थिए । गएको जेठ २६ गते जिल्ला अदालत कैलालीले रामबहादुरलाई पुर्पक्षका लागि कारागार चलान गरेको थियो । साउन २२ गते अदालतले उनलाई निर्दोष ठहर गरेपछि उनी छुटेका थिए ।

अपराध संहिता लागू भएपछि कैलालीमा आत्महत्या दुरुत्साहनमा उजुरी पर्ने क्रम बढ्दै गएको छ । एक वर्षको अवधिमा कैलालीमा आत्महत्या दुरुत्साहनको १४ वटा मुद्दा दर्ता भएका छन् ।

त्यसमध्ये एक जनालाई पुर्पक्षका लागि कारागार चलान गरिएको छ भने आठ जना धरौटीमा रिहा, दुई वटा मुद्दामा अनुसन्धान जारी रहेको र एक जना साधारण तारेखमा छुटेका छन् ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सीताराम ओझा

सीताराम ओझा कैलालीका उज्यालाे सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्