राष्ट्रिय परिचय पत्र तथा पञ्जीकरण विभागले १ हजार ल्यापटप बाँड्दै

असोज ७, २०७६ मंगलबार १९:४५:२४ | उज्यालो सहकर्मी

काठमाण्डौ - राष्ट्रिय परिचय पत्र तथा पञ्जीकरण विभागले १ हजार ओटा ल्यापटप बाँड्ने तयारी गरेको छ ।

देशभरका ७५३ पालिकाहरुका लागि भन्दै विभागले १ हजार ओटा ल्यापटप खरिद गर्ने काम अघि बढाएको छ । गएको साउन १४ गते टेण्डर आह्वान गरेको विभागले रीतपूर्वक टेण्डर भरेका ४ वटा कम्पनीमध्ये ओम्नि बिजनेस कर्पोरेट इन्टरनेशनल प्रालि, पाटन ढोका ललितपुरलाई ल्यापटप खरिद गर्ने जिम्मेवारी दिएको छ ।

विभागले बोलपत्र पेश गरेकामध्ये ओम्नि बिजनेस कर्पोरेट इन्टरनेशनल प्रालिलाई छनौट गरेको सूचना प्रकाशित गरेको छ । १ हजार ओटा ल्यापटप खरिद गर्न ७ करोड १७ लाख ६६ हजार ३ सय रुपैयाँ स्वीकृत गरेको पनि विभागले जनाएको छ ।

विभागले सञ्चालन गरेको सामाजिक सुरक्षा तथा व्यक्तिगत घटना दर्ता प्रणाली सुदृढीकरण आयोजना अन्तर्गत ७५३ वटै पालिकाहरुमा रहने सेवा इकाईका लागि ल्यापटप खरिद गर्न लागिएको विभागका निर्देशक एवं सूचना अधिकारी शिवराज जोशीले जानकारी दिनुभयो ।

व्यक्तिगत घटना दर्तालाई अनलाइन प्रणालीमा आधारित बनाउने तथा सामाजिक सुरक्षा कार्यक्रमलाई पनि अनलाइन प्रविधिमा लैजानका लागि विभागले हरेक स्थानीय तहमा सेवा इकाई राखेको पनि सूचना अधिकारी जोशीले जानकारी दिनुभयो ।

विभागले देशैभरका पालिकाहरु मा रहने इकाईका लागि आवश्यक पर्ने झण्डै २ हजार जनशक्ति पनि करारमा भर्ना गर्दैछ ।

इकाईका लागि म्यानेजमेन्ट इन्फरमेसन सिस्टम(एमआईएस)अपरेटर र फिल्ड सहायक पदमा कर्मचारी चाहिएको र विभागले खुला प्रतिस्पर्धाद्वारा करारमा नियुक्ति गर्न आवेदन आह्वान गरिसकेको पनि उहाँले बताउनुभयो ।

दुवै पदमा झण्डै ५१ हजारभन्दा बढीले आवेदन दिएका छन् । अपरेटरका लागि १८ हजार ६१ जना र फिल्ड सहायक पदका लागि ३३ हजार २ सय ६९ जनाले आवेदन दिएको विभागले जनाएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्