बुढीगण्डकी परियोजना नेपाल आफैँले बनाउनु पर्छ: डाक्टर भट्टराई

असोज १४, २०७६ मंगलबार १६:२२:२५ | उज्यालो सहकर्मी

काठमाण्डाै - संघीय समाजवादी पार्टी नेपालका संघीय परिषद् अध्यक्ष डा. बाबुराम भट्टराईले बुढीगण्डकी परियोजना नेपालल आफैँले बनाउनु पर्ने बताउनुभएको छ ।

मंगलबार गोरखा पत्रकार मञ्चले बडादशैँ, दीपावली तथा छठ पर्वको अवसरमा काठमाण्डौमा आयोजना गरेको शुभकामना आदानप्रदान कार्यक्रममा उहाँले यस्तो बताउनुभएको हो ।

मिडियाले आलोचनात्मक भूमिका निर्वाह गर्नुपर्ने बताउँदै उहाँले समग्र देशको विकास हुन भौतिक विकास पहिलो आवश्यकता भएकाले गोरखाको संस्कृति र इतिहास झल्काउन गोरखकाली रबर उद्योग, गोरखा दरबार, मनकामना हुँदै भीमसेन थापाको जन्मस्थलसम्म पर्यटकीय सर्किट बनाउनतर्फ राज्यको ध्यानकर्षण गर्न पत्रकारहरुले पहल गर्नुपर्ने बताउनु भयो ।

कार्यक्रममा गोरखा क्षेत्र नम्बर १ का सांसद हरिराज अधिकारीले काठमाण्डौबाट हेर्दा मात्र गोरखा जिल्लालाई वाह ! भन्ने अवस्था रहेको बताउनु भयो । उहाँले ‘गोरखा जिल्ला विकासको क्रममा धेरै पछाडि भएकाले सबैले ध्यान दिनुपर्नेमा जोड दिनु भयो । राष्ट्रिय गौरवको बुढीगण्डकी जलविद्युत आयोजना मात्रै बनाउन सकियो भने गोरखा जिल्लाले चाँडै नै फड्को मार्ने उहाँले दावी गर्नुभयाे ।

कार्यक्रममा नेकपा केन्द्रीय सदस्य चुडामणि खड्काले गोरखाको भौतिक र सांस्कृतिक विकासका लागि पत्रकारको महत्वपूर्ण भूमिका हुने बताउँदै मिडियाहरुलाई स्वतन्त्रताको दुरुपयोग नगर्न आग्रह गर्नुभयो ।

नेपाली कांग्रेसकी नेतृ तथा पूर्वमन्त्री कमला पन्तले गोरखा जिल्लामा लुकेका विषयहरुलाई बाहिर ल्याउनुपर्नेमा जोड दिनु भयो । मिडियाले कुनै पनि गलत व्यक्तिलाई पनि जोगाउन नहुने बताउनु भयो । कार्यक्रममा यस्तै नेकपाका केन्द्रीय सदस्य लेखनाथ न्यौपानेले मिडियाले राजनीतिको आडमा मिडिया हाउस चलाउन नहुने बताउनु भयो ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्