मोरङको रंगेलीमा एउटा मात्र थुन भएको गाईले बाछो जन्मायाे: हुर्काउन समस्या

कात्तिक ७, २०७६ बिहीबार १४:६:५२ | सुमन तिमल्सिना

मोरङ - मोरङको रंगेली नगरपालिका-८, चाइना गेटमा एउटा मात्र थुन भएकाे ‍गाई ब्याएपछि बाछाे हुर्काउन फेला परेको छ ।

मन्जौ मण्डलको घरमा दुई वर्ष अगाडि दाइजोको रुपमा बाछी ल्याए । बाछी ल्याएपछि परिवारमा खुशी छायो । सानैदेखि बाछीको स्याहारसुसार गरेर ठूलो पारे बाछी ब्याउने भयो । कात्तिक ५ गते गाईले बाछो जन्मायाे तर बाछोलाई दुध खुवाउन खोज्दा गाईको त थुन नै भेटिएन ।

गाईको थुन नभएको बारेमा गाउँभरि हल्ला चल्यो । गाउँभरका मान्छेहरु हेर्न आउन थाले । गाईको थुन नभएपछि मण्डलले रंगेलीमा रहेको पशुपंक्षी सेवा कार्यालय रंगेलीमा बुधबार गाई र बाछो दुवै ल्याए ।

गाईको चारवटा थुन हुनुपर्नेमा एउटा सानो थुन मात्र भएको पशु प्राविधिकले पत्ता लगाए । नायब पशु स्वास्थ्य प्राविधिक ज्योति बाँस्कोटाले गाईको चार वटा थुन हुनुपर्नेमा तीन वटा थुन नै नभएको र एउटा थुन भ एपनि त्यसमा दूध आउने नशा नभएको हुनाले दूध नआउने जानकारी दिनुभयाे ।

बाँस्कोटाले बाछो राम्रो भएको हुनाले बाछोलाई हुर्काउन ५ महिनासम्म निप्पल को सहारामा दूध खुवाउन सुझाव समेत दिनुभयाे ।

थुन नहुनुको कारणका बारेमा पशु प्राविधिक बाँस्कोटाले कुनै पनि पशुहरुको आफ्नै वंशजबाट गर्भ रहेर जन्मेका पशुहरुमा यस्तो प्रकारको समस्या हुने गरेको र आफ्नो कामको सिलसिलामा अहिलेसम्म यस्तो अनौठो गाई समेत नदेखेको अनुभव सुनाउनुुभयाे ।

पशुसेवा कार्यालयमा आएका रंगेली-८ का धनेन्द्र बराल र पूर्णबहादुर खड्काले आफूले १५ वर्षदेखि पशुपालन गरे पनि यस्तो किसिमको गाई अहिलेसम्म नदेखेको अनुभव सुनाउनुभयाे ।

रंगेली गौशलामा विगत १० वर्षदेखि गाईको दूध दुहुने र व्यवस्थापनको काम गर्दै आएका उमेश दाहालले आफूले अहिलेसम्म यस्तो किसिमको गाई नदेखेको बताउनुभयाे ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्