अर्काे पटक मुसिनाका आउँदा विकास लिएर आउँछु : सांसद चौधरी

कात्तिक ९, २०७६ शनिबार २०:९:४९ | हेमराज शर्मा

दाङ – दाङको दक्षिणी सीमा क्षेत्रमा सदरमुकामबाट मुश्किलले ‘ठूला’ मान्छे पुग्छन् । भारतसँग सीमा जोडिएको यो क्षेत्र झण्डै ८२ किलोमिटरमा फैलिएको छ ।

नेपाल-भारत सीमा क्षेत्रमा मात्रै झण्डै दुई दर्जन नाकाका बस्ती छन् । दर्जनौँ साना गाउँ छन् । दाङको राजपुर र गढवा गाउँपालिकाका दक्षिणी भेगका गाउँ यो नाकामा पर्छन् ।

यिनै नाकामध्ये दाङको मुसिनाकामा पहिलो पटक पुग्नुभएका संघीय सांदस मेटमणि चौधरी अचम्म पर्नुभयो । मुसिनाकाको जनजीवन र विकासको गति देखेर आफू चिन्तित भएको उहाँले बताउनुभयो ।

जम्मा ३० घरधुरी संख्या रहेको मुसिनाकाका स्थानीयहरुसँग छलफल गर्दै सांसद चौधरीले दीर्घकालीन योजना बनाएर नाका क्षेत्रको विकास गर्ने प्रतिबद्धता जनाउनुभयो ।

दाङ क्षेत्र नम्बर १ बाट निर्वाचित सांसद चौधरी पहिलो पटक नाका क्षेत्रमा प्रवेश गर्नुभएको हो । सांसद चौधरीले नाका क्षेत्रका बाटोघाटो, विद्युत्, खानेपानी, शिक्षा, स्वास्थ्य, सञ्चारलगायतका विभिन्न मुख्य समस्याबारे स्थानीयहरुसँग छलफल गर्नुभयो । उहाँले भन्नुभयो, ‘म निर्वाचित भएपछि पहिलो पटक आउने मौका पाएँ । अब आउँदा विकास पनि लिएर आउँछु ।’

नाकामा एम्बुलेन्स विस्तार गर्ने

संघीय सांसद मेटमणि चौधरीले नाका क्षेत्रहरुमा एम्बुलेन्स सेवा विस्तार गर्ने बताउनुभयो । बिहीबार मुसिनाकाका स्थानीयहरुसँग छलफल गर्दै स्वास्थ्य सेवाबाट वञ्चित भएका नाकावासीलाई स्वास्थ्य क्षेत्रको पहुँचमा पुर्‍याउने उद्देश्यले नाका क्षेत्रहरुमा एम्बुलेन्स सेवा विस्तार गर्ने बताउनुभयो ।

‘भारतीय भूमि हुँदै कोइलावासदेखि जरूवा, टडवा, चिताैढगढ बन्धा जंगलको बाटो हुँदै केन्द्रीय सरकारले पहिलो प्राथमिकता बाटोलाई दिइएको छ । नाकाहरुमा ट्रयाक खोली नाकालाई सडक सञ्जालसँग जोडिनेछ’, उहाँले भन्नुभयो ।

सांसद चौधरीसँगै नेपाल कम्युनिष्ट पार्टी (नेकपा) दाङ निर्वाचन क्षेत्र नम्बर १ को संयोजक तथा जिल्ला कमिटी सचिवालय सदस्य मिना गुरूङ, गढवा गाउँपालिका नम्बर १ का वडाध्यक्ष बाबुराम अधिकारी, नेकपा कोइलावासका अध्यक्ष खालिक सिद्दिकी, युवा नेता मोहम्मद याकुब, गौरवसिंह महराको संयुक्त सहभागितामा मुसिनाका पुग्नुभएको थियो ।

अन्तिम अपडेट: मंसिर १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्