सातै प्रदेशका प्रमुख नियुक्त गर्ने तयारी

कात्तिक १८, २०७६ सोमबार १२:१५:२८ | उज्यालो सहकर्मी

काठमाण्डौ - सरकारले सोमबार सातै प्रदेशका प्रमुखहरु नियुक्त गर्ने तयारी गरेको छ । सत्तारुढ नेकपाको सचिवालय बैठकपछि बस्ने मन्त्रिपरिषद बैठकले नयाँ प्रदेश प्रमुखहरु नियुक्त गर्ने तयारी गरेको हो ।

नाम टुंगो लगाउन अहिले नेकपाको सचिवालय बैठक बसिरहेको छ । सचिवालय बैठकले नाम टुंगो लगाएपछि सोमबार नै मन्त्रिपरिषद् बैठक बसेर अनुमोदन गर्ने तयारी छ ।

यसअघि आइतबार बसेको मन्त्रिपरिषद् बैठकले सातवटै प्रदेशका प्रदेश प्रमुख पदमुक्त गरेको थियो । सरकारको सिफारिसमा राष्ट्रपति विद्यादेवी भण्डारीलेसातै प्रदेशका प्रमुख पदमुक्त गर्नुभएको हो ।

सत्तारुढ दलका अध्यक्षसमेत रहनुभएका प्रधानमन्त्री केपी शर्मा ओलीले पार्टीभित्र छलफल गरेरै मन्त्रिपरिषद्बाट नयाँ नाम अनुमोदन गर्न लाग्नुभएको स्रोतले जनाएको छ । मन्त्रिपरिषद्ले सोमबार नै नाम सिफारिस गरेर नियुक्तिका लागि राष्ट्रपतिकहाँ पठाउने तयारी गरेको छ ।

तत्कालीन कांग्रेस सरकारले २०७४ माघ ३ गते राष्ट्रिय जनता पार्टी र तत्कालीन समाजवादी फोरमसँगको भागबण्डामा प्रदेश प्रमुख नियुक्त गरेको थियो ।भागबन्डाका आधारमा प्रदेश १ मा गोविन्द सुब्बा, २ मा रत्नेश्वर लाल कायस्थ, ३ मा अनुराधा कोइराला, ४ मा बाबुराम कुँवर, ५ मा उमाकान्त झा, ६ मा दुर्गाकेशर खनाल र ७ मा मोहनराज मल्ल प्रदेश प्रमुख नियुक्त भएका थिए ।

तत्कालीन एमाले र माओवादी केन्द्रले भने कामचलाउ सरकारले प्रदेश प्रमुख नियुक्त गर्न नहुने भन्दै विरोध गरेका थिए । अहिले दुबै पार्टी एकीकरण भएको र बहुमतका साथ सरकार सञ्चालन गरिरहेको नेकपाले तत्कालीन कांग्रेसले नियुक्त गरेको प्रदेश प्रमुख बर्खास्त गर्दै नयाँ प्रदेश प्रमुख नियुक्त गर्न लागेको हो ।

अन्तिम अपडेट: माघ १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्