क्रिसमस नजिकिँदै गर्दा मुख्य शहरका सडक, पसल, रेस्टुराँ लगायतम...
पुस ८, २०८१ सोमबार
'आवश्यक छैन' भन्दै सूर्योदय नगरपालिकाले लियो ८ वटा अटो रिक्सा नियन्त्रणमा
इलाम - इलामको सूर्योदय नगरपालिकामा चलेका तीनपांग्रे सवारी साधन प्रहरीले नियन्त्रणमा लिएको छ । नगरका लागि तीनपांग्रे सवारी साधन आवश्यक नै नभएको भन्दै नगरपालिकाले केही अटो रिक्सा नियन्त्रणमा लिएको हो ।
अटो रिक्सा चालक अधिकांश वैदेशिक रोजगारीबाट फर्किएकाहरु छन् । नेपालमा नै स्वरोजगार बन्ने भन्दै उनीहरुले अपुग रकम विभिन्न बैंकबाट ऋण लिएर अटो रिक्सा किनेका हुन् । नगरपालिकाले तीनपांग्रे सवारी साधन सञ्चालनमा रोक लगाएपछि उनीहरुलाई लिएको ऋण कसरी तिर्ने भन्ने चिन्ता बढेर गएको छ ।
सूर्योदय नगरपालिका-९ का राम कट्टेलले गुनासो गर्दै भन्नुभयो, ‘नगरपालिकाले दर्ता गर्न सिफरिस दिएन, उल्टै प्रहरी लगाएर अटो नियन्त्रणमा लियो ।’ विदेशबाट फर्किएर स्वदेशमा नै स्वरोजगार बन्न खोज्दा पनि स्थानीय तहले सहयोग नगरेको उहाँको दुखेसो छ ।
दैनिक कुदाउने र कमाइ भएको रकमले नै लिएको ऋणको किस्ता तिर्दे आएका अटो चालकको अटो रिक्सा नगरले फिर्ता नहुने भनेपछि उनीहरु अन्यौलमा परेका छन् । ‘बैंकबाट लिएको लोन बैंकले जसरी पनि उठाउँछ । लोन तिर्नका लागि कमाउने भाँडो नगरपालिकाकै आग्रहमा प्रहरीको नियन्त्रणमा छ’, अटो चालक भेषराज आचार्यले अब कसरी ऋणमुक्त हुने भन्ने पीरमा परेको बताउनुभयो ।
नगरपालिकाले भने दश वटा तीनपांग्रे सवारीलाई सिफारिस दिएर नगरमा कुद्न दिइरहेको बताएको छ । आठ वटालाई भने दर्ताका लागि सिफारिस दिन नसक्ने भनेर कार्यपालिकाको बैठकले निर्णय नै गरिसकेको नगरकी उपमेयर दुर्गादेवी भट्टराईले बताउनुभयो । उहाँले भन्नुभयो, ‘अहिले हाम्रो नगरमा अटोको आवश्यकता नै देखिँदैन, सडकको चाप बढिरहेको छ भोलिको दिनमा आवश्यक परेको खण्डमा त्यसैअनुसार काम गर्नु पर्ला ।’
नगरपालिकाका अनुसार, अघिल्लो नगरसभाको निर्णयअनुसार यस्ता सवारीलाई रुट पर्मिट नदिने निर्णय गरेको छ । नगरको सिफारिसबिना यातायात व्यवस्था कार्यालयले अटो रिक्सा दर्ता गर्दैन । तर अन्य गाडीको हकमा भने सोझै यातायात व्यवस्था कार्यालयबाटै हुने गर्दछ । यस्तो अवस्थामा सवारी चालक झनै मारमा परेको उनीहरुको गुनासो छ ।
पाँचौ नगरसभामा प्रस्तुत गरिएको नीति
सूर्योदय नगरपालिकाको पाँचौ नगरसभामा प्रस्तुत नीति तथा कार्यक्रमको १४ नम्बरमा सामाजिक परिचालन तथा सामाजिक सशक्तीकरणको युवाअन्तर्गत पहिलो बुँदामा युवाहरु रुपान्तरणको सम्वाहक भएको उल्लेख छ । त्यसैले युवालाई उद्यमशीलता विकास गरी स्वरोजगारतर्फ आकर्षित गरिने स्पष्ट पारिएको छ । यसैमा भनिएको छ, ‘नगर क्षेत्रका युवा जनशक्तिलाई सीपमूलक तालिम दिई दक्ष जनशक्ति उत्पादन गरिनेछ ।’
नगरपालिकाको यस नीतिअनुसार, नीतिमा युवालाई स्वरोजगार बनाउने राखे पनि कार्यान्वयनमा नियमविपरीत काम गरेको देखिन्छ । दश वटालाई दर्ताका लागि सिफारिस दिने बाँकी आठलाई नदिने नगरको निर्णयले युवालाई स्वरोजगार बनाउने भन्दा पनि विस्थापित गर्न खोजेको सरोकारवालाको गुनासो रहेको छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
सुजता सुनुवार
सुजता सुनुवार उज्यालोमा कार्यरत हुनुहुन्छ । 
1 Comments
समाचार
-
-
ग्लोबल आईएमई बैंकद्वारा ‘ग्लोबल हाट बजार’ सञ्चालन
पुस ८, २०८१ सोमबार
-
शेयर बजार झन्डै २९ अङ्कले बढ्यो
पुस ८, २०८१ सोमबार
-
इन्धन गाडीभन्दा विद्युतीय गाडीको आयात झन्डै दोब्बर
पुस ८, २०८१ सोमबार
-
बुढासुब्बा गोल्डकप फुटबल प्रतियोगिताको २५औँ संस्करण आउँदो माघ...
पुस ८, २०८१ सोमबार
-
टिकटकमा प्रतिबन्ध नलगाउने ट्रम्पको सङ्केत
पुस ८, २०८१ सोमबार
-
तेह्रथुम–पाँचथर जोड्ने तमोर नदीको लुमुघाटमा मोटरेबल पुलको प...
पुस ८, २०८१ सोमबार
-
चन्द्रागिरिका वडाध्यक्ष न्हुच्छेबहादुर महर्जन सहकारी ठगी आरोपमा ...
पुस ८, २०८१ सोमबार
-
भक्तपुरको बालकोटमा बाबुछोरा मृत अवस्थामा भेटिए
पुस ८, २०८१ सोमबार
-
एनपीएलमा समर्थकमाथि अभद्र व्यवहार गर्ने दुई जना पक्राउ, अरूको ...
पुस ८, २०८१ सोमबार
-
विद्युत् प्रसारण र वितरण प्रणाली सुधार एवम् बिस्तारमा झन्डै ७३ अ...
पुस ८, २०८१ सोमबार
-
मोजाम्बिकमा आएको चक्रवात चिडोका कारण ज्यान गुमाउनेको सङ्ख्या ९...
पुस ८, २०८१ सोमबार
-
सन्तनेता कृष्णप्रसाद भट्टराईको १०१ औँ जन्मजयन्ती मनाइँदै
पुस ८, २०८१ सोमबार
-
काठमाण्डौलाई हेटौँडा हुँदै तराईसँग जोड्ने चुरियामाई सुरुङमा...
पुस ८, २०८१ सोमबार
विचार
-
आईसीसीको पूर्ण सदस्य राष्ट्र बन्नका लागि चाहिने मापदण्डहरूअनुसा...
पुस ७, २०८१ आइतबार
-
कागजपत्र लगेर कम्पनी दर्ता गर्ने प्रक्रिया बन्द भइसक्यो
मंसिर ३०, २०८१ आइतबार
-
बीआरआईमा हस्ताक्षर भयो, तर अन्तिम किनारा लगाउन बाँकी छ
मंसिर २०, २०८१ बिहिबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
विष्णु दाहाल
Nov. 8, 2019, 10:28 a.m.दु:ख लाग्छ मलाइ मेरो देशको यस्तो अनैतिक निर्णय देख्दा ...नेपाल सरकार त्यति बेला खुसि हुन्छ जति बेला युवाहरु दिनानुदिन त्रिभुवन विमानस्थलबाट बन्द काठ्को रातो बाकसमा थुनिएर आउछन / आफ्नै देशमा रोजगारीको अवसर सिर्जना गर्न नसक्ने यो नालायक सरकार अनि आफ्नै ठाउँमा नीति निर्माणको क्षेत्रमा काम गर्न नसक्ने इलामको घटिया सोच भएको सूर्योदय नगरपालिकाका टाउकेहरुलाई के आफ्नै देशमा केहि गर्छु भन्दा पाइदैन कि ? तिमीहरुलाई तलब नपुगेर युवालाई पासपोर्ट बनाउन बाध्यकारी बनाएर पैसा असुल्नु पर्यो/ याद गर यस्ता किसिमका हर्कत गर्दै गयौ भने जनताले आगो लाउने छन् / एक दिन के बैंकको ऋण तिमीहरु तिर्छौ ? उनीहरुको सपना तिमीहरु पुरा गर्छौ ? यो कुरा नबिर्स भोट हालेको औलाको छापको खत अझै ताजै छ /