१३ औँ साग : अन्तिम चार मिनेट सम्हालिन नसक्दा श्रीलंकासँग नेपाली फुटबल टाेलीकाे बराबरी

मंसिर १८, २०७६ बुधबार १९:१६:४५ | उज्यालो सहकर्मी

काठमाण्डाै - दक्षिण एसियाली खेलकुद साग अन्तर्गत पुरुष फुटबलमा नेपाल र श्रीलंकाबीचको खेल एक एक गोलको बराबरीमा सकिएको छ ।

दशरथ रंगशालामा भएको खेलमा नेपालले एक गोलको अग्रता जोगाउन सकेन । खेलको सुरुवातमा केही सुस्त देखिएको नेपालले त्यसपछि आफ्नो गतिलाई बढाउदै दुई वटा सुन्दर मौका पाएको थियो । तर त्यसमा चुक्न पुग्यो ।

खेलको ३३ औंँ मिनेटमा नेपालले पेनाल्टीको अवसर पाएको थियो । अनन्त तामाङलाई श्रीलंकाली खेलाडीले फल गरेपछि पाएको पेनाल्टीलाई कप्तान सुजल श्रेष्ठले गोलमा परिणत गरे । याे गाेल उनको जारी प्रतियोगितामा तेस्रो गोल हो । उनले भुटानविरुद्ध दुई गोल गरेका थिए ।

४२ औंँ मिनेटमा नेपालले अर्को मौका पाएको थियो । नेपालका मिक्चेनले गोलकिपरलाई छलाउँदै प्रहार गरेको बललाई श्रीलंकाका खेलाडीले बचाए । त्यसको अर्को मिनेटमा नेपालले फेरि अर्को गोलको अवसर सिर्जना गर्यो तर कप्तान सुजल श्रेष्ठको हेडको प्रयास पोष्ट नजिकैबाट बाहिरियो ।

पहिलो हाफमा एक गोलको अग्रता बनाएको नेपालले दोस्रो हाफकाे सुरुवातमा नै अर्को मौका पाएको थियो । ४९ औंँ मिनेटमा अभिशेक रिजालको कर्नरमा विक्रम लामा चुक्न पुगे । त्यसपछि श्रीलंकाले एउटा डरलाग्दो प्रहार गरे पनि नेपाली गोलकिपर विकेश कुथुले बचाए । ८३ औंँ मिनेटमा नेपालले अर्को सुन्दर अवसर पाएको थियो जसमा अनन्त तामाङ डी-बक्स भित्र चुक्न पुगे ।

एक गोलले पछि परेको श्रीलंकाले खेलको इन्जुरी समयमा फ्रीकिकमार्फत उत्कृष्ट गोल गोल फर्काउन सफल भयो ।
बराबरीले नेपालकाे दुई खेलबाट चार अंक भएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्