मकवानपुरमा माेटरसाइकल र टिप्परकाे ठक्करबाट २ जनाकाे ज्यान गयाे

मंसिर २५, २०७६ बुधबार १०:१९:९ | हरि हुमागाईं

मकवानपुर – मकवानपुरमा सवारी साधनको ठक्करबाट मंगलबार राति दुई जनाको ज्यान गएको छ ।

हेटौँडा उपमहानगरपालिका ९ र मकवानपुरगढीमा सवारी साधनको ठक्करबाट दुई जनाको ज्यान गएको जिल्ला प्रहरी कार्यालय मकवानपुरका प्रहरी उपरीक्षक (एसपी) मुकेशकुमार सिंहले जानकारी दिनुभयो ।

हेटौँडा ९ को पशुपति नगरमा रहेको नेपाल बैंक अगाडि मोटरसाइकलको ठक्करबाट एक जना पैदल यात्रीको ज्यान गएको हो । पूर्व–पश्चिम राजमार्गअन्तर्गत वीरगञ्जबाट हेटौँडा आउँदै गरेको ना ४२ प ७५०६ नम्बरको मोटरसाइकलले एक जना महिलालाई ठक्कर दिएको थियो ।

एसपी सिंहका अनुसार महिलाको परिचय खुलेको छैन । उपचारको लागि हेटौँडा अस्पताल लगेपछि अस्पतालले मृत घोषणा गरेको थियोे ।

दुर्घटनामा घाइते भएका मोटरसाइकल चालक पर्साको पर्सागढी नगरपालिका ६ का कञ्चन ठाकुरको टाउकोमा चोट लागेको र अवस्था गम्भीर रहेको प्रहरीले जनाएको छ । त्यस्तै मोटरसाइकल पछाडि सवार भरतपुर महानगरपालिका १० की ३५ वर्षीया सर्मिला थापा मगरको हातखुट्टामा चोट लागेको छ । घाइते दुवै जनाको चुरेहिल अस्पतालमा उपचार भइरहेको छ ।

यसैगरी मकवानपुरगढी गाउँपालिका ४ को मक्रान्चुली नजिक टिप्परले ठक्कर दिँदा एक जनाको ज्यान गएको छ । मंगलबार राति मकवानपुगढी गाउँपालिका ४ को मनकामना मन्दिर जाने सडक खण्डमा बा ४ ख ६३५५ नम्बरको टिप्परले ठक्कर दिँदा स्थानीय दिपक पाख्रिनको ज्यान गएको प्रहरी कार्यालय मकवानपुरले जनाएको छ।

दुर्घटनामा ज्यान गएपछि स्थानीयले टिप्परमा तोडफोड गर्नुका साथै प्रदर्शन गरेका थिए ।

अन्तिम अपडेट: कात्तिक २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्