यूएई जाने कामदारसँग ५ लाख रुपैयाँ माग्ने म्यानपावरमा छापा

 पुष ८, २०७६ मंगलबार १९:४८:१७ | उज्यालो सहकर्मी
unn.prixa.net

काठमाण्डौ - विदेश जाने कामदारसँग गैरकानुनी रुपमा रकम लिने काठमाण्डौ गोंगबुको आरबी ओभरसिजमा वैदेशिक रोजगार  विभागले छापा मारेको छ ।  वैदेशिक रोजगारमा जाने व्यक्तिबाट ५ लाख रुपैयाँ लिएको उजुरीको आधारमा छापा मारिएको विभागले जनाएको छ । 

यूएईमा सेक्यूरिटी कम्पनीमा रोजगारीका लागि जान लागेका भोजपुरका पासाङ नोर्बु शेर्पासँग अभोरसिजका कर्मचारीले ५ लाख रुपैयाँ मागेका थिए । ५० हजार रुपैयाँ दिइसकेपछि अरु रकम कम गर्न आग्रह गर्दा सबै पैसा नबुझाउँदासम्म श्रम स्वीकृतिको प्रक्रिया नै अघि नबढाएपछि शेर्पाले विभागमा उजुरी दिनुभएको थियो । 

उजुरीपछि विभागको टोलीले छापा मार्दा आरबी ओभरसिजबाट रकमसँगै शेर्पाको लागिसकेको पासपोर्ट पनि बरामद भएको छ । विभागले म्यानपावरबिरुद्ध थप कारबाही अघि बढाएको जनाएको छ । 

सेक्यूरिटी कम्पनीको लागि वैदेशिक रोजगारीमा जाने नेपालीबाट म्यानपावरले ५ लाख रुपैयाँसम्म लिने गरेको भए पनि गुनासोकर्ताले रपर्दो सूचना र प्रमाणसहित सहयोग नगर्दा कारबाही प्रक्रिया अघि बढाउन नसकिएको विभागले जनाएको छ । 

विभागकाअनुसार दुबई पुलिस लगायत थुप्रै सेक्यूरिटी कम्पनीबाट आउने निःशुल्क टिकट र भिसा सहितको मागमा पनि ५ लाख रुपैयाँभन्दा कम तिरेर वैदेशिक रोजगारीमा जान नपाएको गुनासो आउने गरेको छ ।

विभागले हरेक हप्ताजसो स्टिङ्ग अपरेशन गर्दै आएको छ । तर धेरैजसो व्यवसायीहरुले सुरक्षित, सम्मानपूर्ण र शोषणरहित वैदेशिक रोजगार व्यवसाय बनाउनेतर्फ पहलकदमी लिनुभन्दा पनि जसरी भएपनि पैसा कमाउने ध्याउन्नमै लागेको भेटिएको विभागले जनाएको छ। 
 

अन्तिम अपडेट: पुस ९, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

3 Comments

  • हरि

    Dec. 27, 2019, 7:14 p.m.

    यो समाचार मात्र नबनोस बास्तबिकतालाई आवश्यक छानबिन गरि हालसम्म यश मेनपावर बात सुरक्षागार्ड को लागि कति जना बिदेश गयका छन 5 लाख का दरले मात्र हिसाब गर्ने हो भने कति हुन्छ ? भन्नलाई फ्री भन्ने 10 लाख सम्म पनि लियका छन !त्यसैले कर्मकाण्ड र कर्मचारीको कमिसन बढाउने कार्य मात्र नबनि गरिबदुखी पनि बिदेश जाने बाताबरण बनोस् तथा सोझा लाई ठगीमा सम्लग्नलाई कडा भन्दा कडा कारबाही होस ताकी फेरि अर्को मान्छे ठगि गर्न नसकोस!!!!!!!

  •  0 Reply

  • विक्रम karki

    Dec. 24, 2019, 8:14 p.m.

    मेरो पनि dubai को meddle east compony मा भिसा लागेर sharm स्वीकृति पनि bhayo तर भिसा र पासपोर्ट मा जन्म दिन फरक भयो र काम रोकियो मलाइ पनि 5 लाख magyo पैसदिन नसकेर जान पाइन अब भनम के गरु।।।

  •  0 Reply

  • Indra magar

    Dec. 24, 2019, 8 p.m.

    याे RB overseas ले धेरै रकम लुटिसकेकाे छ ।यसले UAE काे जुनसुकै security company काे लागि ४ देखि ५ लाख रकम असुलेकाे छ मेराे साथीले पनि ५ लाख तिरेर गएकाे हाे केे गर्नु बाध्यता हामी नेपालीहरूकाे

  •  0 Reply

तपाईको प्रतिक्रिया

समाचार

लोकप्रिय

१

लामिछानेको सांसद पद निलम्बन नगर्न सभामुख घिमिरेको ध्यानाकर्षण

२

एनपीएलमा समर्थकमाथि अभद्र व्यवहार गर्ने दुई जना पक्राउ, अरूको खोजी चल्दै

३

चन्द्रागिरिका वडाध्यक्ष न्हुच्छेबहादुर महर्जन सहकारी ठगी आरोपमा पक्राउ

४

डीपी अर्याल रास्वपाको कार्यबाहक सभापति

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई