पुनर्निर्माणमा ४ वर्ष : ३ खर्ब ३५ अर्ब रुपैयाँ खर्च, अझै ३ खर्ब रुपैयाँ आवश्यक

पुष १०, २०७६ बिहीबार १३:४४:१ | मदन पौड्याल

काठमाण्डौ – भूकम्पपछिको पुनर्निर्माणमा अहिलेसम्म तीन खर्ब ३५ अर्ब रुपैयाँ खर्च भएको छ ।

राष्ट्रिय पुनर्निर्माण प्राधिकरणका अनुसार खर्च भएको तीन खर्ब ३५ अर्ब रुपैयाँमध्ये सरकार र दातृ निकायले दुई खर्ब ९३ रुपैयाँ र गैरसरकारी संस्थाले ४२ अर्ब रुपैयाँ पुनर्निर्माणको क्षेत्रमा खर्च गरेका छन् ।

प्राधिकरण स्थापना भएको ४ बर्ष पुगेको अवसरमा प्रमुख कार्यकारी अधिकृत सुशील ज्ञवालीले पुनर्निर्माणका बाँकी काम सक्न अझै ३ खर्ब रुपैयाँ आवश्यक पर्ने जानकारी दिनुभयो । उहाँले यस आर्थिक वर्षको लागि ३४ अर्ब रुपैयाँको स्रोत सुनिश्चित गर्न बाँकी रहेको पनि बताउनुभयो ।

प्राधिकरणले पुनर्निर्माणका ६ वटा क्षेत्रः निजी आवास, सम्पदा, विद्यालय, स्वास्थ्य संस्था, सरकारी भवन र सुरक्षा निकायको पुननिर्माणमा समग्रमा ८३ प्रतिशत उपलब्धि हासिल भएको पनि जनाएको छ ।

निजी आवासमा चार लाख ८२ हजार घर अर्थात् ८६ प्रतिशत प्रगति भएको छ भने २४ प्रतिशत घर बन्दै छन् । आवाससम्बन्धी चार लाख गुनासो सुनवाइ भएको प्राधिकरणले जनाएको छ ।

भूकम्पले भत्काएका ७१ प्रतिशत विद्यालयको पुननिर्माण सकिएको, आठ सय ९१ मध्ये तीन सय ८७ वटा सम्पदा पुननिर्माण भइसकेको, चार सय १५ वटा सरकारी भवनमध्ये तीन सय ५९ वटा सम्पन्न भएको, सुरक्षा निकायका एक सय ८३ वटा भवन निर्माण सकिएको र ३२ वटा बन्दै गरेको पनि प्राधिकरणले जनाएको छ ।

यस्तै भूकम्प प्रभावित ३२ जिल्लामा ४६ वटा एकीकृत बस्तीले स्वीकृति पाएकोमा तीन वटा सकिएको र २२ वटा एकीकृत बस्ती बनिरहेको पनि राष्ट्रिय पुननिर्माण प्राधिकरणले जनाएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मदन पौड्याल

उज्यालोमा कार्यरत मदन पौड्याल राजनीति, प्रशासन र समसामयिक विषयमा कलम चलाउनु हुन्छ। पौड्यालको भूकम्पपछिको पुनर्निर्माणमा दख्खल छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्