वैदेशिक रोजगारीमा हुने ठगी रोक्न विभाग र प्रहरीबीच सहकार्य

पुष २७, २०७६ आइतबार १८:२६:३५ | उज्यालो सहकर्मी

काठमाण्डौ – वैदेशिक रोजगारीको क्रममा हुने ठगी रोक्नको लागि वैदेशिक रोजगार विभाग र नेपाल प्रहरीबीच समझदारी भएको छ ।

वैदेशिक रोजगारीको नाममा हुने मानव बेचबिखन तथा ओसारपसारलाई नियन्त्रण गर्न र पीडितलाई संरक्षण तथा पुनस्र्थापना गरी वैदेशिक रोजगारीलाई शोषणरहित बनाउने उदेश्यका साथ आइतबार समझदारी पत्रमा हस्ताक्षर भएको हो ।

यसबाट वैदेशिक रोजगार विभाग र नेपाल प्रहरीको आ–आफ्ना क्षेत्राधिकारका विषय सुक्ष्म रुपमा अध्ययन, अनुसन्धान तथा अन्वेषणको लागि सहकार्य गर्न सजिलो हुने अपेक्षा गरिएको विभागले जनाएको छ ।

बिना इजाजत वैदेशिक रोजगारीसम्बन्धी काम गर्ने या यस क्षेत्रको ठगीमा संलग्न हुने व्यक्ति, संस्था, फर्म वा एजेन्सीलाई कानूनको दायरामा ल्याउन पनि सजिलो हुने विभागको विश्वास छ ।

वैदेशिक रोजगारीको नाममा हुने मानव बेचबिखनलाई नियन्त्रण गर्न पनि यो सम्झौताले ठूलो भूमिका खेल्ने वैदेशिक रोजगार विभागका महानिर्देशक भिष्मकुमार भूसाल बताउनुहुन्छ ।

सम्झौतासँगै प्रहरीको मानव बेचबिखन अनुसन्धान ब्यूरोले मानव बेचबिखन सम्बन्धी मुद्दा अनुसन्धानको लागि वैदेशिक रोजगार विभागको अनुसन्धान अधिकृतको सहयोग लिन सक्नेछ ।

त्यस्तै गरी वैदेशिक रोजगार सम्बन्धी मुद्दाको अनुसन्धानमा वैदेशिक रोजगार विभागले नेपाल प्रहरीको अपराध अनुसन्धान विभाग र मानव बेचबिखन अनुसन्धान ब्यूरोको अनुसन्धान अधिकृतको सहयोग लिन सक्नेछ ।

मानव बेचबिखन रोक्नको लागि आवश्यक परेको खण्डमा राष्ट्रिय तथा अन्तर्राष्ट्रिय स्तरबाट सूचना तथा स्रोत परिचालन गर्न पनि सकिने विभागले जनाएको छ ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्