रसुवा भन्सार कार्यालय : सात महिनामा ८५ प्रतिशत राजस्व संकलन

फागुन १, २०७६ बिहीबार १७:३८:६ | उज्यालो सहकर्मी

रसुवा - रसुवा भन्सार कार्यालयले चालु आर्थिक वर्षको ७ महिनामा ८५ प्रतिशत राजस्व सङ्कलन गरेको छ । कार्यालयले साउनदेखि माघ मसान्तसम्ममा ७ अर्ब ९७ करोड ३५ लाख ३३ हजार रुपैयाँ राजस्व संकलन गरेको हो ।

यो आर्थिक वर्षमा ९ अर्ब ३५ करोड ७८ लाख ३३ हजार रुपैयाँ राजस्व उठाउने लक्ष्य राखेकोमा वार्षिक लक्ष्यको ८५.२१ प्रतिशत राजस्व संकलन गरेकाे कार्यालयले जनाएको छ ।

पछिल्लो समय रसुवागढी नाकाबाट आयात तथा निर्यात गर्नेक्रम बढ्दै गएका कारण राजस्व संकलनमा वृद्धि भएको प्रमुख भन्सार अधिकृत पुण्यबिक्रम खड्काले बताउनुभयो ।

कार्यालयका अनुसार गएकाे साउन महिनामा ४६ करोड ७८ लाख ९१ हजार रुपैयाँ राजश्व उठाउने लक्ष्य राखेकोमा १ अर्ब ३ करोड ५ लाख ४८ हजार रुपैयाँ संकलन भएको थियाे । यस्तै, भदौ महिनामा ९३ करोड ५७ लाख ८३ हजार रुपैयाँ उठाउने लक्ष्य लिएकाेमा १ अर्ब ५१ करोड २६ लाख ९० हजार रुपैयाँ संकलन भएको थियाे ।

असोज महिनामा १ अर्ब ४० करोड ३६ लाख ७४ हजार रुपैयाँ राजश्व उठाउने लक्ष्य राखेकोमा १ अर्ब ३८ करोड ८० लाख ३२ हजार रुपैयाँ उठेकाे थियाे । कार्तिक महिनामा ९३ करोड ५७ लाख ८३ हजार रुपैयाँ राजश्व संकलन गर्ने लक्ष्य राखेको कार्यालयले १ अर्ब ४७ करोड १ लाख ११ हजार रुपैयाँ राजश्व संकलन गरेकाे छ ।

यस्तै मंसिर महिनामा ९३ करोड ५७ लाख ८३ लाख रुपैयाँ राजश्व उठाउने लक्ष्य लिएकोमा १ अर्ब ९१ लाख ९१ हजार रुपैयाँ र पुस महिनामामा ४६ करोड ७८ लाख ९१ हजार रुपैयाँ राजस्व संकलन गर्ने याेजना रहेकाेमा ८२ करोड ८३ लाख ५५ हजार रुपैयाँ संकलन भएकाे कार्यालयले जनाएकाे छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्