पहिलो टी-२० : एश्टन एगरकाे ह्याट्रिकमा अस्ट्रेलियाद्वारा दक्षिण अफ्रिका १०७ रनले पराजित

फागुन १०, २०७६ शनिबार १०:१०:७ | उज्यालो सहकर्मी

स्पिनर एश्टन एगरले ह्याट्रिक विकेट लिएपछि अस्ट्रेलियाले दक्षिण अफ्रिकाविरुद्ध पहिलो टी २० मा १०७ रनको फराकिलो जित दर्ता गरेको छ ।

पहिला ब्याटिङ गरेको अस्ट्रेलियाले ६ विकेट गुमाएर १९६ रन बनाएको थियो । २०१८ मा बल टेम्परिङ काण्डमा परेपछि पहिलो पटक दक्षिण अफ्रिकामा खेलेका स्टिभ स्मिथले कप्तान एरोन फिन्चसँग दोस्रो विकेटका लागि ८० रनको साझेदारी गरेका थिए ।

स्मिथ ४५ तथा फिन्च ४२ रनमा आउट भएका थिए । १९७ रनको लक्ष्य पछ्याएको दक्षिण अफ्रिकाको सुरुआत भने राम्रो भएन । उसका लागि फाफ डु प्लेसीले २४ रन बनाएका थिए ।

दोस्रो ठूलो स्कोरका रुपमा कागिसो राबडाले २२ रन बनाएका थिए । अफ्रिका १४.३ ओभरमा ८९ रनमा समेटिएको थियो । अस्ट्रेलियाका एश्टन एगरले पाँच विकेट हात पारे । यस्तै एडम जाम्पा र प्याट कमिन्सले दुई दुई विकेट लिँदा मिचेल स्टार्कको नाममा एक विकेट रह्यो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्