चिया बगानको जग्गा ३३ वर्षपछि सरकारको स्वामित्वमा
मंसिर ७, २०८१ शुक्रबार
हटलाइन ११३१ र ११८० मा भोकै परेकादेखि घर जान नपाएकाका गुनासै गुनासा
काठमाण्डौ - काठमाण्डौ उपत्यका नगरपालिका फोरमले लकडाउनको बेला समस्यामा परेका नागरिकलाई दुईवटा हटलाइन नम्बरमा सम्पर्क गर्न आग्रह गरेको छ । काठमाण्डौ उपत्यकाभित्र रहेका तर खर्च सकिएर अप्ठ्यारोमा परेका नागरिकले हटलाइन नम्बर ११८० र ११३१ मा सम्पर्क गर्न सक्छन् ।
काठमाण्डौ महानगरपालिकामा ११८० र ललितपुर महानगरपालिकामा ११३१ नम्बर सञ्चालन गरिएको छ । यसअघि यी नम्बरमा फोन गरेर कोरोनाबारे जानकारी र अत्यावश्यक बिरामीका लागि एम्बुलेन्स सेवा लिन सकिन्थ्यो । यी टोल फ्रि नम्बर चौबिसै घण्टा उपलब्ध छ ।
हटलाइन नम्बर ११८०
लकडाउनका बेला हृदयघात र मृगौला रोगीलगायतलाई अस्पताल लैजान र ल्याउन निःशुल्क एम्बुलेन्स सेवाको लागि काठमाण्डौ महानगरपालिकाले यसअघि ११८० नम्बर सञ्चालन गरेको थियो । महानगरपालिकाभित्र बसोबास गर्नेहरु बिरामी परे यही नम्बरमा सम्पर्क गर्ने गरेका थिए ।
हिजो अस्ति एम्बुलेन्सको लागि बढी फोन आउने गरेकोमा शनिबार बिहानदेखि राहतबारे बुझ्नेहरुको धेरै फोन आउन थालेको महानगरपालिकामा कार्यरत स्वास्थ्यकर्मी ज्ञानबहादुर ओलीले बताउनुभयो । काठमाण्डौमा डेरा गरी बस्ने विद्यार्थी, मजदुर, अति विपन्न वर्ग, असहायका साथै बोडिङ स्कुल पढाउने शिक्षकहरुले समेत समस्या राख्ने गरेका छन् । बोडिङ पढाउने शिक्षकहरुले तलब नपाउँदा अप्ठ्यारोमा परेको गुनासो गरेका छन् ।
त्यस्तै विद्यार्थी र मजदुरलगायतले लकडाउन लम्बिँदै गएपछि खर्च नभएकोले समस्यामा परेको गुनासो गर्ने गरेको र यसरी फोनमा सम्पर्क गर्नेहरुलाई जहाँ छन् त्यहीँको वडा जनप्रतिनिधिलाई जानकारी गराएर राहत लिन सुझाव दिने गरिएको ओलीले बताउनुभयो ।
‘सम्बन्धित वडा कार्यालयमा सम्पर्क गर्नुस् । त्यहाँबाट राहत पाउनुहुन्छ भनेका छाँै,’ ओलीले भन्नुभयो, ‘कसैलाई जनप्रतिनिधिको नम्बरसमेत दिने गरेका छौँ ।’ हटलाइन नम्बरमा काठमाण्डौ उपत्यकाभन्दा बाहिरबाट पनि फोन आउने गरेको उहाँको भनाइ छ ।
हटलाइन नम्बर ११३१
हटलाइन नम्बर ११३१ मा आउने फोन ललितपुर महानगरपालिकामा कार्यरत स्वास्थ्यकर्मीको टोलीले उठाउने गर्छ । यो नम्बरमा पनि काठमाण्डौ उपत्यकाभित्रबाट मात्र होइन, बाहिरबाट समेत फोन आउने गरेको छ ।
आज बिहानदेखि काठमाण्डौ उपत्यकासहित चितवन, बाजुरा र कञ्चनपुरबाट फोन आएको स्वास्थ्यकर्मी गुरु शर्माले जानकारी दिनुभयो । हटलाइनमा फोन गर्नेहरुले भोकभोकै परेको, घर जान नपाएको र राहतका लागि कहाँ कसरी सम्पर्क गर्ने जानकारीसमेत नभएको गुनासो गरेको शर्माले बताउनुभयो ।
तर उनीहरुलाई अहिले लकडाउनको बेला घर जानेभन्दा जहाँ छन् त्यहीँबाट आवश्यक सहयोगको माग गर्न भनिएको छ । सहयोग घरधनी, टोल समिति र सङ्घसंस्थासहित वडा कार्यालयबाट माग्न आग्रह गरिएको शर्माको भनाइ छ । गुनासा राख्ने र राहत माग्नेबाहेक कोरोनाबारे जानकारी माग्नेहरुलाई समेत सहजीकरण गर्ने गरेको स्वास्थ्यकर्मी शर्माले भन्नुभयो ।
काठमाण्डौ उपत्यका नगरपालिका फोरमले लकडाउनको बेला समस्यामा परेर काठमाण्डौ नछाड्न र अप्ठ्यारोमा परेको अवस्थामा वडा कार्यालयमा जानकारी गराउन आग्रह गरेको छ । लकडाउनको बेला सङ्घीय सरकारले एक जिल्लाबाट अर्को जिल्ला, एक पालिकाबाट अर्को पालिका र एक प्रदेशबाट अर्को प्रदेशमा जान रोक लगाएको छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
मदन पौड्याल
उज्यालोमा कार्यरत मदन पौड्याल राजनीति, प्रशासन र समसामयिक विषयमा कलम चलाउनु हुन्छ। पौड्यालको भूकम्पपछिको पुनर्निर्माणमा दख्खल छ। 
1 Comments
समाचार
-
-
आज काठमाण्डौको दरबारमार्गमा एमालेको प्रदर्शन
मंसिर ७, २०८१ शुक्रबार
-
डलरको भाउ अहिलेसम्मकै उच्च
मंसिर ७, २०८१ शुक्रबार
-
अस्पतालहरूलाई सेवा शुल्क सार्वजनिक गर्न मन्त्रालयको परिपत्र, नगर...
मंसिर ७, २०८१ शुक्रबार
-
११ वटा एयरलाइन्सले हवाई भाडादरको विवरण बुझाए
मंसिर ७, २०८१ शुक्रबार
-
पहाडी भेगका केही ठाउँमा हल्का वर्षाको सम्भावना
मंसिर ७, २०८१ शुक्रबार
-
तीन वर्षपछि ‘बी’ डिभिजन लिग माघमा हुँदै
मंसिर ७, २०८१ शुक्रबार
-
युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र...
मंसिर ७, २०८१ शुक्रबार
-
सार्वभौम साख मूल्याङ्कनमा नेपालको सन्तोषजनक नतिजा, दक्षिण एशिय...
मंसिर ७, २०८१ शुक्रबार
-
खोला किनारको २० मिटर मापदण्डको फैसलामा सर्वोच्चले पुनरावलोकन...
मंसिर ७, २०८१ शुक्रबार
-
विश्व विजेता किक बक्सर ‘हिमचितुवा’ घिमिरे नेपालमा सम्मानित
मंसिर ७, २०८१ शुक्रबार
-
चितवनमा धान उत्पादन घट्यो
मंसिर ६, २०८१ बिहिबार
-
अर्घाखाँचीको सन्धिखर्क नगरपालिका र मातहतका कार्यालयमा हट्यो ढड्...
मंसिर ६, २०८१ बिहिबार
-
अलैंचीको मूल्य उच्च विन्दूमा, ४० किलाेकाे एक लाख सात हजार रु...
मंसिर ६, २०८१ बिहिबार
विचार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
-
जलवायु परिवर्तनप्रति सचेत छठ पर्वको वैज्ञानिक र पर्यावरणीय महत्त्व
कात्तिक २१, २०८१ बुधबार
-
डेङ्गी सङ्क्रमणको उच्च जोखिम कात्तिक मसान्तसम्म
कात्तिक २१, २०८१ बुधबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
Purna Bahadur Rai
April 20, 2020, 5:49 a.m.राम्रो प्रगती भएको छ ....लकडाउनको अवस्था लम्बिएकोले समस्यामा सबै छौं / नेपालको राजधानी बाहिर बस्दैआएको छु, म पनि समस्यामा छु /मसंग दुइजना भाइ पनि छन् / हामी पढाइको लागि खोटांगवाट इटहरी आएर बसेका हौँ / हामीलाई पनि सहयोग गरिदिनहुन अनुरोध गर्दछु /