नेपाली श्रमिकको बारेमा चिन्ता नलिन कतारको आग्रह

वैशाख ११, २०७७ बिहीबार २०:२:५५ | उज्यालो सहकर्मी

काठमाण्डाै - कतार सरकारले त्यहाँ रहेका नेपाली श्रमिकको बारेमा चिन्ता नलिन आग्रह गरेको छ ।

प्रधानमन्त्री केपी शर्मा ओलीसँग आज भएको टेलिफोन संवादमा त्यहाँका प्रधानमन्त्रीले कोरोनाको संक्रमणका कारण आफ्ना नागरिकसँगै नेपालीलाई पनि समस्या पर्न नदिने प्रतिबद्धता जनाएका हुन् ।

आफूले त्यहाँ रहेका नेपालीको सुरक्षा र कल्याणका बारेमा चासो राखेको प्रधानमन्त्रीले ट्वीटमार्फत जानकारी दिनुभएको छ । यस्तै प्रधानमन्त्री ओलीले विभिन्न आरोपमा गिरफ्तार भएका १७ नेपालीलाई कतारले रिहा गरेकोमा खुशी व्यक्त गर्दै कतार सरकारलाई धन्यवाद पनि दिनुभएको छ ।

कोरोनाको कारण वैदेशिक रोजगारीमा रहेका नेपाली श्रमिकमा जोखिम बढेसँगै प्रधानमन्त्री ओलीले यूएई, बहराइन, कुवेत लगायतका सरकार प्रमुखसँग कुरागर्दै नेपाली श्रमिकको सुरक्षाको विषयमा चासो राख्नुभएको छ । यी देशले नेपाली श्रमिकलाई पनि आफ्ना नागरिक सरहनै उपचार गर्ने बताएका छन् ।

आज साँझ मैले कतरका प्रधानमन्त्रीसँग फोन संवाद गरें। मैले त्यहाँ रहेका नेपालीको सुरक्षा र कल्याणका बारेमा चासो राखें।कतारका प्रधानमन्त्रीले त्यहाँ रहेका नेपालीको बारेमा चिन्ता नलिन आग्रह गर्नुभयो। मैले विभिन्न आरोपमा गिरफ्तार १७ नेपालीको रिहाईप्रति खुशी व्यक्त गर्दै धन्यवाद दिएँ ।
— K P Sharma Oli (@kpsharmaoli) April 23, 2020

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्