'लकडाउन'को असर अटोमोबाइल क्षेत्रमा, धरासायी बन्ने चिन्ता

वैशाख १७, २०७७ बुधबार १५:४८:१९ | उज्यालो सहकर्मी

काठमाण्डौ - नाडा अटोमोबाइल्स एशोसिएसन अफ नेपालले वैशाख २५ गतेपछि पनि लकडाउनले निरन्तरता पाए अटोमोबाइल्स क्षेत्र धारासायी अवस्थामा पुग्ने बताएको छ।

करिब दुई महिनादेखि व्यापार ठप्प रहेको अवस्थामा ठूलो आर्थिक क्षति भइसकेको र अब पनि लकडाउनले निरन्तरता पाए झनै समस्या बढ्ने नाडाले बताएको छ ।

नाडाका अध्यक्ष कृष्णप्रसाद दुलालले दुई महिनादेखि उद्योग व्यवसाय र प्रतिष्ठानहरु बन्द रहेको र खर्चमा कुनै कटौती नभएको अवस्थामा व्यापार व्यवसायलाई अगाडि बढाउन नपाए समस्या बढ्दै जाने बताउनुभयो ।

उहाँले अहिले पनि कर्मचारीको तलब पूर्ण रुपमा दिन नसक्ने अवस्था आइसकेकोले उद्योग वाणिज्य महासंघले दिएको सुझावअनुसार लकडाउन अवधिको तलब ५० प्रतिशत मात्रै दिने व्यवस्था गराउन सरकारसँग आग्रह समेत गर्नुभयो ।

यस्तै नेपाल राष्ट्र बैंकले बैंकको ब्याजदर २ प्रतिशतले घटाउनु सकारात्मक कदम भएको र बैंकहरुले पनि त्यसमा अझ केही कम गर्ने गरी व्यवस्था गर्न बैंकहरुलाई सुझाव समेत दिनुभयो ।

यसबाहेक आउँदो असार मसान्तसम्मको ब्याज तिर्ने समय थप ६ महिना दिनुपर्ने मागसमेत उहाँले गर्नुभयो । अध्यक्ष दुलालले सरकारले भ्याट विवरण बुझाउने समय थप गर्नुपर्ने, कर बुझाउने अन्तिम समय पनि पुस मसान्तसम्म पुर्याउनुपर्ने लगायतका व्यवस्था गर्न समेत माग गर्नुभयो ।

यसबाहेक भन्सार परिसरमा रोकिएर बसेका सवारी साधनको शुल्क मिनाहा गर्न एवं कन्टेनरको डिटेन्सन चार्ज पनि मिनाह गर्न अध्यक्ष दुलाले माग गर्नुभयो ।

उहाँले लकडाउनपछि कसरी व्यवसाय सुरक्षित तरिकाले सञ्चालन गर्न सकिन्छ भन्ने विषयमा नाडाले सुरक्षा प्रबन्ध अवधारण गाइड ल्याउन लागेकोसमेत बताउनुभयो ।

उहाँले व्यापार व्यवसाय र उद्योग प्रतिस्ठानहरु सञ्चालनमा नआए देशको अर्थतन्त्रमा ठूलो क्षति हुने भएकाले वैशाख २५ गतेपछि जसरीपनि लकडाउन खुलाउने व्यवस्था गर्न माग गर्नुभयो ।

अन्तिम अपडेट: कात्तिक २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्