लकडाउन खुकुलो हुने बित्तिकै समस्यामा परेका नेपालीलाई स्वदेश फर्काउँछौं : श्रम मन्त्री यादव

वैशाख १७, २०७७ बुधबार २०:१३:१९ | उज्यालो सहकर्मी

काठमाण्डौ – सरकारले विदेशमा समस्यामा परेका नेपाली श्रमिकलाई स्वदेश फर्काउने गृहकार्य भैरहेको बताएको छ ।

श्रम, रोजगार तथा सामाजिक सुरक्षा मन्त्री रामेश्वर राय यादवले बुधबार विदेशमा रहेका श्रमिकका लागि एक सन्देश जारी गर्दै लकडाउन खुकुलो हुने बित्तिकै विदेशमा समस्यामा परेका नेपाली श्रमिकलाई स्वदेश फर्काउन गृहकार्य भैरहेको बताउनुभएको हो ।

विदेशमा २० औं लाख नेपाली रहेको र ती सबैलाई एकैपटक ल्याउन सम्भव नहुने र समस्यामा परेकालाई प्राथमिकतामा राखिने उहाँको भनाई छ । सुरुमा विभिन्न कारणले अलपत्र परेका, बिरामी तथा अशक्त श्रमिकलाई पहिलो प्राथमिकता दिने पनि उहाँले बताउनुभयो ।

प्रधानमन्त्री केपी शर्मा ओलीले विभिन्न देशका सरकार प्रमुखसँग नेपाली श्रमिकको विषयमा कुरा गरेको र उनीहरुको सुरक्षाको लागि पहल गरेको पनि उहाँले बताउनुभएको छ ।

दूतावाससँग नियमित सम्पर्क गर्न आग्रह

श्रममन्त्री यादवले जस्तोसुकै अवस्थामा पनि सबैले धैर्य र उच्च मनोबलका साथ आफ्ना आफन्त तथा दूतावासमा सम्पर्क गरेर आफ्नो अवस्थाको बारेमा जानकारी गराउन आग्रह पनि गर्नुभएको छ ।

गन्तव्य देशका कतिपय सरकारले कोभिड १९ का कारण समस्यामा परेका श्रमिकलाई राहत कार्यक्रम घोषणा गरको भन्दै उहाँले नेपाली दूतावासबाट त्यस्ता कार्यक्रमको जानकारी लिइ त्यसबाट लाभ लिन पनि आग्रह गर्नुभयो ।

यस्तै खर्चको अभावमा र अन्य कारणले खान बस्नको कठिनाई छ भने पनि सम्बन्धित दूतावासमा फोन वा सामाजिक सञ्जालका माध्यमबाट सम्पर्क गर्न पनि उहाँले सुझाउनुभएको छ ।

हल्लाको पछि नलागी आधिकारिक निकाय तथा स्रोतबाट प्राप्त सूचना लिन पनि उहाँले आग्रह गर्नुभएको छ । यस्तै कुनै समस्या भए श्रम, रोजगार तथा सामाजिक सुरक्षा मन्त्रालयमा रहेको कल सेन्टरमा सम्पर्क गर्न पनि उहाँले आग्रह गर्नुभएको छ ।

मन्त्री यादवले लकडाउनको अवधि भनेको आफू जहाँ रहेको छ, त्यहीँ सुरक्षित रहेर बस्नु हो भन्दै सबै नेपाली श्रमिकलाई आआफ्नो स्थानमा सुरक्षित भएर बस्न आह्वान गर्नुभएको छ ।

मन्त्री यादवले सहयोगको लागि विदेशमा रहेका विभिन्न संघसंस्थाहरुलाई आग्रह पनि गर्नुभएको छ ।

मन्त्री यादवकाे सन्देश यहाँ पढ्नुहाेस्

अप्रिल २९ : खाडी र मलेसियाकाे काेराेना अपडेट

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्