सामाजिक सुरक्षा कोषले विदेशमा रहेका श्रमिकका श्रीमान्–श्रीमती ...
मंसिर ११, २०८१ मंगलबार
परदेशमा छैन सुरक्षित बास, छिटै स्वदेश फर्किने धेरैको आश
काठमाण्डौ – कतारको ४० डिग्रीको गर्मी । बाहिर हेर्दा पनि आँखा तिरमिराउँछन् । पहिले त दिनभरी काम गरेर समय बित्थ्यो । अहिले काम पनि छैन, समय बिताउने अरु बहाना पनि छैनन् । कम्पनी बन्द भएपछि एक महिनादेखि कोठाभित्रै थुनिएका समिर खड्का भित्तामा झुण्ड्याएको क्यालेण्डरमा दिन गन्दै बस्नुहुन्छ ।
उहाँले काम गर्ने रेष्टुरेन्ट बन्द भएको ठ्याक्कै एक महिना भयो । काम हुँदा खानाको समस्या थिएन, रेष्टुरेन्टले नै खाना दिन्थ्यो । तर रेष्टुरेन्ट बन्द भएपछि भने समिरलाई खाना खर्च आफैले जुटाउनुपरेको छ ।
यति मात्र होइन, उहाँलाई तलब नपाइने चिन्ताले पनि पिरोलेको छ । रेष्टुरेन्ट सञ्चालकले काम नभए तलब दिन नसक्ने संकेत गरेपछि चिन्ता झनै थपिएको हो ।
त्यही भएर यस्तोबेला आफूसँग भएको पैसा सकिएपछि के गर्ने, कहाँ बस्ने होला भनेर उहाँ कहिले आफूसँग भएको पैसा गन्नुहुन्छ, कहिले कति दिन पुग्ला भनेर भित्तामा झुण्ड्याएको क्यालेण्डर हेर्नुहुन्छ ।
समिरजस्तै वैदेशिक रोजगारीमा खाडी तथा मलेसियामा रहेका धेरै नेपालीहरुले यस्तो समस्या भोगिरहेका छन् । कतिपयको जागिर नै गुमेको छ भने कतिपय जोखिम मोलेर काम गरिरहेका छन् । कसैको करार तथा भिसाको म्याद सकिएको छ भने कसैलाई पारिवारिक समस्याका कारण नेपाल फर्कनैपर्ने बाध्यता छ ।
यूएईमा रहेका रघुनाथ सिम्खडा आमाको उपचार गर्नको लागि नेपाल जान नपाउँदा पीडामा हुनुहुन्छ ।
‘आमाको मुटुको भल्भको शल्यक्रिया गर्नुपर्ने भएकाले जसरी भए पनि घर जानुपर्ने थियो, तर जान नपाइने भयो’ उहाँ भन्नुहुन्छ, ‘यस्तो समस्या त बुझ्नुपर्ने हो नि सरकारले ।’
अहिले उहाँको काम पनि छुटेको छ । भिसा पनि सकिने क्रममा छ । कम्पनीले दुई महिनासम्मको तलब नदिने भनेर हस्ताक्षर गर्न लगाइसकेको छ । यस्तो बेला के गर्ने, कसलाई भनेर आफ्नो समस्या समाधान हुन्छ भन्नेमा उहाँ आफै अलमलमा हुनुुहुन्छ ।
नेपाली श्रमिकको मुख्य गन्तव्य खाडीका देश र मलेसियामा कोरोना सङ्क्रमणको जोखिम बढ्दो छ । जोखिमबाट बच्न ती देशहरुले लकडाउन थपिरहेका छन् ।कतिलाई लकडाउन कहिले खुल्ला र काममा फर्किन पाइएला भन्ने लागेको छ । यस्तै लकडाउन खुल्नेबित्तिकै नेपाल फर्किन पाइन्छ भनेर आश गरेर बस्नेहरु पनि धेरै छन् ।
गैरआवासीय नेपाली संघ, एनआरएनएले गरेको सर्वेक्षणअनुसार यूएईबाट मात्रै १० हजारभन्दा बढी श्रमिक स्वदेश फर्कने पर्खाईमा छन् ।
काम बन्द नहुँदा पनि चिन्ता
धेरै देशमा लकडाउनका कारण अत्यावश्यक सामग्री उत्पादन गर्नेबाहेक अरु कम्पनी बन्द छन् । त्यस्ता अत्यावश्यक सामाग्री उत्पादन गर्ने कम्पनी र सुरक्षा गार्डमा कार्यरत नेपालीहरु कोरोना सङ्क्रमणको जोखिममा रहेका छन् ।
‘हाम्रो कम्पनीमा काम चलिरहेको छ बिरामी पनि धेरै भएका छन्, खाने बेला र काम गर्ने बेलामा पनि दूरी कायम छैन’ कुबेतबाट चन्द्र शर्मा भन्नुहुन्छ, ‘नजिकै लाइनका बसेर खानु पर्छ, रुघाखोकी, ज्वरो लगायतका बिरामी बढ्दै छन् । कम्पनीमा परीक्षणको कुनै व्यवस्था छैन ।’
यस्तै काम भएर पनि तलब नपाएकाहरु पनि धेरै छन् । यस्तो बेला काम गर्दा हुने जोखिमको चिन्ता छुट्टै हुन्छ । त्यसैमाथि काम गरेको तलब नपाउँदाको पीडा ।
यूएईमा हरि भण्डारीले पनि यस्तै समस्या भोगिरहनुभएको छ । उहाँ दुबईमा रहेको जुमेराह लेक टावर भन्ने ठाउँको रेष्टुरेन्टमा जेनेरल कुकमा काम गर्नुहुन्छ । काम नियमित चलि नै रहेको छ । तर दुई महिनादेखिको तलब नपाउँदा भने उहाँलाई अत्यास लागेर आएको छ ।
‘दुई महिना भयो तलब नपाएको, खान र बस्न त दिएको थियो, त्यो पनि अब सकिंदैन भन्छ, घर जाउ भन्दै दबाब दिन थालेको छ’ उहाँले समस्या सुनाउनुभयो । त्यहाँको सरकारले होटल रेष्टुरेन्ट क्षेत्रमा काम गर्ने श्रमिकको अनिवार्य कोरोना परीक्षण गर्नु भनेको भए पनि कम्पनीले आफ्नै पैसाले परीक्षण गर्नु भनेको छ । नत्र घर फर्किनु भनेर कम्पनीले धम्की दिइरहेको उहाँको गुनासो छ ।
परदेशमा अर्काको धम्की सुन्नुभन्दा जुनसुकै अवस्थामा भए पनि आफू नेपाल फर्किन चाहेको उहाँ बताउनुहुन्छु ।
साउदीमा बढ्दो सङ्क्रमणले नेपाली चिन्तित
खाडी र मलेसियामध्ये सबैभन्दा धेरै कोरोना सङ्क्रमित साउदीमा छन् । त्यहाँको सरकारले कोरोना नियन्त्रणको लागि विभिन्न प्रयास गरे पनि सङ्क्रमितको सङ्ख्या बढिरहेको छ ।
अहिलेसम्म साउदीमा ४६ जना नेपालीसहित ३३ हजारभन्दा बढीलाई कोरोना सङ्क्रमण भइसकेको छ । यसले गर्दा त्यहाँ रहेका नेपाली श्रमिकहरु पनि चिन्तित छन् ।
‘हामी यहाँ बस्नु भनेको कोरोनालाई निम्तो दिनु सरह नै हो’, साउदीबाट एसपीआर पुन भन्नुहुन्छ, ‘हामी धेरै नेपाली यहाँ बिना काम फसेका छौं, न हाम्रो यहाँ कम्पनी छ, न तलब आउला भन्ने नै छ ।’
आफूजस्तै रोजगारी पनि गुमेका र तलब पनि नपाउनेहरुलाई नेपाल सरकारले तत्कालै उद्धार गर्नुपर्ने उहाँ बताउनुहुन्छ ।
यस्तै साउदीबाट बाबुराम आचार्यको गुनासो पनि यस्तै छ । बढ्दै गरेको कोरोनाको सङ्क्रमणले चिन्ता थपेको उहाँ बताउनुहुन्छ । ‘कम्पनीले भिसा रद्द गरेर राखेको छ । काम पनि छैन र खाने, बस्ने केही व्यवस्था छैन । हामी कति दुःखमा छौं भन्ने कुरा सरकारले बुझिदिनुपर्यो’ उहाँ भन्नुहुन्छ ।
उहाँजस्तै खाडी र मलेसियामा रहेका धेरै नेपाली सरकारले छिटै स्वदेश फर्काउने बाटो खुलाइदिन्छ भन्ने आशमा छन् ।
याे पनि पढ्नुहाेस्
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
1 Comments
समाचार
-
-
पाकिस्तानमा पूर्वप्रधानमन्त्री खानकाे रिहाइ माग गर्दै हजारौंको ...
मंसिर ११, २०८१ मंगलबार
-
चितवनको बीपी कोइराला क्यान्सर अस्पतालद्वारा बाल क्यान्सरको निःश...
मंसिर ११, २०८१ मंगलबार
-
१९ वर्षमुनिको एशिया कप क्रिकेट खेल्न यूएई जाने टोलीलाई क्यानल...
मंसिर ११, २०८१ मंगलबार
-
सुनकाे भाउ दुई दिनमा १८ हजार पाँच सय रुपैयाँले घट्यो
मंसिर ११, २०८१ मंगलबार
-
काठमाण्डौ उपत्यकासहित देशका विभिन्न शहरमा वायु प्रदूषण बढ्दै
मंसिर ११, २०८१ मंगलबार
-
रामेछाप–काठमाण्डौ उडान बन्द, बिरामीहरु समस्यामा
मंसिर ११, २०८१ मंगलबार
-
बाँकेमा व्यावसायिक सिँगडाखेतीबाट गाउँमै लाखौँ आम्दानी
मंसिर ११, २०८१ मंगलबार
-
आन्तरिक ऋण उठाउनको लागि राष्ट्र बैंकले १० अर्ब रुपैयाँको विका...
मंसिर ११, २०८१ मंगलबार
-
चीन, मेक्सिको र क्यानडाबाट आयात हुने वस्तुमा थप शुल्क लगाउने ...
मंसिर ११, २०८१ मंगलबार
-
म्याग्दीको बेनीमा घरमै सुत्केरी हुनेको सङ्ख्या शून्य
मंसिर ११, २०८१ मंगलबार
-
नतिजा आएको सात वर्षपछि त्रिविका कर्मचारीको परीक्षाफल रद्द
मंसिर ११, २०८१ मंगलबार
-
काठमाण्डौका केही ठाउँमा बिजुली अबरुद्ध हुने
मंसिर ११, २०८१ मंगलबार
-
काठमाण्डौ उपत्यका र तराईका केही ठाउँमा हल्का हुस्सु
मंसिर ११, २०८१ मंगलबार
विचार
-
पहिलो रेटिङमै नेपालले सुखद नतिजा पायो, सदुपयोग र निरन्तर स...
मंसिर ९, २०८१ आइतबार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
-
जलवायु परिवर्तनप्रति सचेत छठ पर्वको वैज्ञानिक र पर्यावरणीय महत्त्व
कात्तिक २१, २०८१ बुधबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
रेशम रुम्बा
May 12, 2020, 12:56 a.m.हामी आबुधाबि माछु न काम न दाम हामी नेपाल छिटो लाईजाउ नत्र केपी टोपि जाल खेरो