समस्यामा परेका नेपालीलाई स्वदेश फर्काउने तयारी भैरहेको छ : राजदूत भारद्वाज

 वैशाख २८, २०७७ आइतबार १३:२१:५८ | उज्यालो सहकर्मी

काठमाण्डौ – कतारका लागि नेपाली राजदूत नारद भारद्वाजले समस्यामा परेर नेपाल फर्किनैपर्ने अवस्थामा रहेका नेपाली श्रमिकलाई स्वदेश फिर्तीको तयारी भैरहेको बताउनुभएको छ । 

गैरआवासीय नेपाली संघ (एनआरएनए)को मध्यपूर्व क्षेत्रको भर्चुअल बैठकमा राजदूत भारद्वाजले नेपाल सरकारले प्राथमिकता क्रम छुट्यापछि स्वदेश फर्कनैपर्ने अवस्थाका नेपाली नागरिकलाई पठाउने तयारी भैरहेको जानकारी दिनुभएको हो ।

कोरोनाको समस्या कहिलेसम्म लम्बिन्छ भन्ने यकिन नभएकोले धैर्य गर्न पनि उहाँको आग्रह छ ।

कार्यक्रममा बहराइनका लागि नेपाली राजदूत पदम सुन्दासले सकारात्मक सूचना सम्प्रेषण गरी नेपालीको मनोबल उच्च बनाउन सबैले भूमिका खेल्नुपर्नेमा जोड दिनुभयो ।

बैठकले स्वास्थ्य टोली गठन गरी परिचालन गर्नुपर्ने, हटलाइनमार्फत नेपालीहरुलाई सेवा प्रदान गर्नुपर्ने, राहत तथा औषधिको लागि फण्डको व्यवस्था गर्नुपर्नेमा जोड दिएको एनआरएनएले जनाएको छ ।

यस्तै नेपालीहरुको लागि सीड मनी जम्मा गर्ने र विदेशमा अलपत्र परेका नेपाली श्रमिकका शव नेपाल ल्याउन सरकारसँग पहल गर्ने विषयमा पनि बैठकमा छलफल भएको छ ।

संघका अध्यक्ष कुमार पन्तले गैरआवासीय नेपाली संघ मध्यपूर्वमा रहेका नेपाली श्रमिकहरुको स्वास्थ्यलाई लिएर अत्यन्तै चिन्तित रहेको भन्दै विश्व महामारीबाट बच्न यो बैठक कोशेढुङ्गा सावित हुने आशा व्यक्त गर्नुभयो ।

यस्तै संघका उपाध्यक्ष बद्री केसीले नेपाली श्रमिहरुको उद्धारको लागि २० करोडसम्मको सीड मनीको व्यवस्था गर्न नेपाल सरकारसँग प्रस्ताव गरिएको पनि बताउनुभयो । 

वैदेशिक रोजगार समितिका संयोजक समेत रहनुभएका केसीले विदेशमा अलपत्र परेका ११२ जना नेपालीका शव नेपाल लैजान नेपाल सरकारले कदम चाल्नुपर्नेमा समेत जोड दिनुभयो ।

बैठकमा कतार र बहराइनका राजदूतसँगै आईसीसी अध्यक्ष कुमार पन्त, उपाध्यक्ष बद्री केसी, महासचिव हेमराज शर्मा, प्रवक्ता डीबी क्षेत्री र सचिव राजेन्द्र कुमार शर्मा  पनि सहभागी हुनुहुन्थ्यो ।

मध्यपूर्वका एनआरएन संयोजक प्रविण गुरुङ सहित मध्यपूर्वका बिभिन्न राष्ट्रका एनसीसी अध्यक्षहरुको पनि उपस्थिति रहेको थियो ।

 

याे पनि पढ्नुहाेस्

 

अन्तिम अपडेट: पुस ९, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • Yogesh Pariyar

    May 10, 2020, 1:33 p.m.

    हामी मुम्बई महाराष्ट्र देखि...कसरी नेपाल आउन सकिन्छ होला , यहाँ बस्ने ठाउँ पनि छैन /

  •  0 Reply

तपाईको प्रतिक्रिया

समाचार

लोकप्रिय

१

एनपीएलमा समर्थकमाथि अभद्र व्यवहार गर्ने दुई जना पक्राउ, अरूको खोजी चल्दै

२

लामिछानेको सांसद पद निलम्बन नगर्न सभामुख घिमिरेको ध्यानाकर्षण

३

चन्द्रागिरिका वडाध्यक्ष न्हुच्छेबहादुर महर्जन सहकारी ठगी आरोपमा पक्राउ

४

डीपी अर्याल रास्वपाको कार्यबाहक सभापति

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई