साउदीमा समस्यामा परेका नेपाली श्रमिकलाई खाद्यान्नको व्यवस्था

वैशाख २९, २०७७ सोमबार १०:५०:२३ | उज्यालो सहकर्मी

काठमाण्डौ – साउदीमा समस्यामा परेका नेपाली श्रमिकहरुलाई खाद्यान्नको व्यवस्था गरिएको छ । साउदीमा रहेको नेपाली दूतावास, एनआरएनए र दर्जनभन्दा बढी संघसंस्थाहरुको सहयोगमा २५० भन्दा बढी कामदारलाई खाद्यान्नको व्यवस्था गरिएको र १२ जनालाई विभिन्न स्थानमा आवासको व्यवस्था मिलाइएको दूतावासले जनाएको छ ।

यस्तै एकसय ७१ जनालाई खाद्यान्नको अविलम्व व्यवस्था गर्न सम्बन्धित इजाजतपत्रवाला र रोजगारदातालाई अनुरोध गरिएको छ ।

ठूलो संख्या (५ हजार भन्दा बढी नेपाली रहेका) मा नेपाली कामदारहरू रहेका ७ वटा सप्लाइ कम्पनीले कामदारलाई आवासबाट निकाली अलपत्र पारेको गुनासो प्राप्त भएपछि साउदी सरकारका सम्बन्धित निकायलाई अनुरोध गरी पीडित कामदारहरूको आवास र खाद्यान्नको प्रत्याभूति गरिएको पनि दूतावासले जनाएको छ ।

काम गर्ने स्थानमा खासै जोखिम नभए पनि काममा जान नचाहेका ४६ जना नेपाली श्रमिकलाई काममा फर्किन दूतावासले प्रेरित गरेको छ ।

यस्तै कोरोना संक्रमणको पुष्टि वा आशंकामा क्वारेण्टाइनमा रहेका कैंयौं नेपालीहरु र नेपालमा रहेका कतिपयका परिवारसँग सम्पर्क गरी परिवारलाई आश्वस्त पारिएको पनि दूतावासले जनाएको छ ।

दूतावासका अनुसार रूघाखोकी लागेका तर कम्पनीले बेवास्ता गरेको भनी दूतावासमा गुनासो पोखेका ३७ जना नेपालीहरूलाई स्वास्थ्य सेवाका लागि तोकिएको स्थानमा पठाउने व्यवस्था मिलाइएको छ ।

यसैगरी नेपाली श्रमिकहरुबाट दैनिक रूपमा गुनासा आएका अन्य कम्पनीमा पनि सम्पर्क गरी स्वास्थ्य सम्बन्धी नेपाली नागरिकका गुनासा व्यवस्थापन गर्न दूतावासले अनुरोध गरेको छ ।

यसै सन्दर्भमा नेपाली दूतावासका कर्मचारीले पूर्वक्षेत्रका श्रम (मानव संशाधन) मन्त्रालयका महानिर्देशक र उपमहानिर्देशकसँग भेट गरी नेपाली कामदारहरुले भोगिरहेका समस्या समाधानमा सक्रिय पहल गरिदिन लिखित एवं मौखिक अनुरोध गरेको छ । यस विषयमा त्यहाँका अधिकारीहरुको सकारात्मक सहयोग प्राप्त भइरहेको दूतावासले जनाएको छ ।

समस्यामा परेका बिरामी, महिला, घरफिर्ती केन्द्र र सेल्टरमा रहेका, अलपत्र एवं गैरकानूनी अवस्थामा पुगेका कामदार, रोजगारी गुमाएका तथा एक्जिट लागेका लगायतका नेपालीहरुले भोग्नुपरेका समस्या र समाधानका विषयमा नेपाल सरकारका सम्बन्धित निकायसँग आवश्यक समन्वय गरिरहेको दूतावासको भनाइ छ ।

दूतावासका अनुसार अहिलेसम्म टेलिफोन, ह्वाट्एप र इमेलबाट लगभग ८ हजार जना कोरोना सङ्क्रमणबाट प्रभावित नेपाली श्रमिकहरुको विवरण संकलन गरी प्रणालीमा समावेश गरिएको छ । यस्तै टेलिफोनबाट विवरण लिने कार्यलाई दूतावासले केही दिनभित्रै अन्य माध्यमबाट गर्ने भएकाले साधारण मोबाइल फोन चलाउनेहरुलाई ढिला नगरी विवरण टिपाउन पनि दूतावासले आग्रह गरेको छ ।

यस्तै कोरोना संक्रमणको यस संकटपूर्ण घडीमा सकरात्मक सोच तथा उच्च मनोबलका साथ एक अर्कालाई सहयोग गरी संक्रमणबाट पार पाउन सहयोग र सहकार्यका लागि दूतावासले सबैलाई अनुरोध गरेको छ ।

याे पनि पढ्नुहाेस्

मे ११ : खाडी र मलेसियामा काेराेना सङ्क्रमितकाे सङ्ख्या १ लाख नाघ्याे

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्