कोरोनाको इपिसेन्टर बन्दै ब्राजिल : सङ्क्रमण इटलीमा भन्दा धेरै

सबैभन्दा ठूलो साओ पाउलो शहरको स्वास्थ्य प्रणाली ‘कोल्याप्स’ हुने अवस्थामा

जेठ ५, २०७७ सोमबार ८:१०:१६ | उज्यालो सहकर्मी

काठमाण्डौ - ब्राजिल कोरोना भाइरस सङ्क्रमणको पछिल्लो इपिसेन्टर बन्दै गएको छ ।

पछिल्ला दिनमा ब्राजिलमा दैनिक १५ हजार हाराहारीमा सङ्क्रमण फैलिरहेको बीबीसीले जनाएको छ । पछिल्लो २४ घण्टामा १४ हजार ९ सय १९ जना नयाँ बिरामी भेटिएका छन् ।

ब्राजिलमा पछिल्लो २४ घण्टामा ८ सय १६ जनाको ज्यान गएको छ । परिक्षणको दायरा बढाउन नसक्दा ब्राजिलमा सङ्क्रमितको संख्या अझै बढ्दै जान सक्ने भन्दै चेतावनी दिइएको छ । विश्वमै सबैभन्दा धेरै सङ्क्रमित हुने देशको सूचिमा ब्राजिल पाँचौं स्थानमा छ । ब्राजिलभन्दा अघि बेलायत, स्पेन, रुस र अमेरिका रहेका छन् ।

ब्राजिलमा अहिलेसम्म २ लाख ४१ हजार ८० जना सङ्क्रमित भएका छन् भने १६ हजार भन्दा धेरैको ज्यान गएको छ । इटालीमा २ लाख २५ हजार ४ सय ३५ जना सङ्क्रमित मध्ये ३१ हजार ९ सय ८ जनाको ज्यान गएको छ ।

सबैभन्दा धेरै सङ्क्रमित देश अमेरिकामा १५ लाख २७ हजार भन्दा धेरैमा सङ्क्रमण देखिएको छ । अमेरिकामा कोरोनाका कारण झण्डै ९१ हजार जनाको ज्यान गएको छ ।

यस्तै रुसमा ६७ हजार ३ सय ७३ जनाको निको भएका छन् भने २ लाख ८१ हजार ७ सय ५२ जना सङ्क्रमित भएका छन् भने ६७ हजार ३ सय ७३ जना निको भएका छन् । रुसमा २ हजार ६ सय ३१ जनाको ज्यान गएको छ ।

सबैभन्दा धेरै सङ्क्रमित देशको तेस्रो नम्बरमा रहेको स्पेनमा दुई लाख ७७ हजार भन्दा धेरै सङ्क्रमित छन् भने २७ हजार भन्दा धेरैले ज्यान गुमाएका छन् । बेलायतमा २ लाख ४३ हजार ६ सय ९५ जनामा सङ्क्रमण भएको छ भने ३४ हजार ६ सय ३६ जनाको ज्यान गएको छ ।

यसैबीच, ब्राजिलको सबैभन्दा ठूलो शहर साओ पाउलोका मेयरले शहरको स्वास्थ्य प्रणाली ‘कोल्याप्स’ हुने अवस्थामा पुगेको बताउनु भएको छ । शहरको स्वास्थ्य सेवाले धान्नै नसक्ने गरी माग बढेकाले समस्या आएको उहाँको भनाई उदृत गर्दै बीबीसीले जनाएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्