भारतमा अलपत्र परेका ७६ नेपालीलाई पशुपतिनगर नाकाबाट नेपाल ल्याइयाे

जेठ १२, २०७७ सोमबार १२:१:४६ | सुजता सुनुवार

इलाम – पूर्वी सीमापारी भारतमा रोजगारीका लागि गएका ७६ नेपाली नागरिक एकैदिन इलामको पशुपतिनगर नाकाबाट इलाम प्रवेश गराइएकाे छ ।

लकडाउनका कारण समस्यामा परेकाले उनीहरुको नाकामा नै स्वास्थ्य जाँच गरी इलाम ल्याइएको हो । इलाम ल्याइएका नागरिकहरु इलाम बाहिरका रहेको इलाका प्रहरी कार्यलय पशुपतिनगरका इन्स्पेक्टर रमेश राईले जानकारी दिनु भयो । उहाँले भन्नुभयो,‘आएकाहरु दोलखा, तेह्रथुम, काठमाण्डौ लगायत स्थानका रहेका छन् ।’

इलाम प्रवेश गरेकाको स्वास्थ्य जाँचका क्रममा आठ जनाको र्‍यापिड डाइनोस्टिक टेस्ट (आरडीटी) गर्दा ८ जनाको रिपोर्ट पोजिटिभ देखिएको छ ।
रिपोर्ट पोजिटिभ देखिएका आठ युवा र अन्य टेस्ट हुन बाँकी रहेका १० जना गरी १८ जनालाई भने इलामको सुर्योदय नगरपालिकास्थित करफोक माध्यमिक विद्यालयमा बनाइएको क्वरेन्टीनमा छुट्टाछुट्टै राखिएको पालिकाले जनाएको छ ।

पशुपनितगरका अनुसार, प्रवेश गरेको पहिलो दिन दोलखाका नागरिकको मात्र टेस्ट गरिएको हो । गरिएका मध्ये सामान्य स्वास्थ्य अवस्था भएका ५८ जनालाई यातायातको व्यवस्था गरी गृहजिल्ला दोलखा पठाइएको छ ।

रोजगारीका लागि भारत गएका उनीहरु मध्ये धेरै भारतको दार्जिलिङ्ग, मिरिक, सिक्किम लगायत स्थानका रहेको बताइएको छ । नेपाल आउन चाहनेहरु मध्ये एक सय २५ नेपाली नागरिक अझै सीमापारी नै रहेको इन्सपेक्टर राईले बताउनु भयो ।

आउन चाहने दुई सय एक जना नेपाली नागरिकलाई तीन दिन भित्रमा नेपाल ल्याइसक्ने उहाँको भनाइ छ ।
इलामको पशुपनिगर नाका खुल्ला नाका मानिन्छ । यसै कारण सबै क्षेत्र निगरानीमा रहन गाह्रो भएकाले लुकीछिपी नेपाल प्रवेश गर्ने जोखिम बढ्दो भएकाले उनीहरुलाई सुरक्षितसाथ नेपाल प्रवेश गराइएको हो ।

सीमानाकाबाट नेपाल प्रवेश गरेका सबैलाई बनाइएका क्वारेन्टीनमा नै राखिनेछ । जिल्लाका १० स्थानिय तहका ३८ वटा क्वरेन्टीन रहेका छन् ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्