लकडाउनमा अझ सशक्त रुपमा सरकारलाई खबरदारी गर्न सञ्चारकर्मीलाई देउवाको आग्रह

जेठ १३, २०७७ मंगलबार ११:२३:३७ | उज्यालो सहकर्मी

काठमाण्डौ - नेपाली काङ्ग्रेसका सभापति शेरबहादुर देउवाले खबरदारी गर्ने भूमिका अझै सशक्त बनाउन सञ्चारमाध्यम र सञ्चारकर्मीलाई आग्रह गर्नुभएको छ । काङ्ग्रेसको शुभेच्छुक संस्था नेपाल प्रेस युनियनको स्थापना दिवसको अवसरमा भिडियो सम्बोधन गर्दै पूर्वप्रधानमन्त्री समेत रहनुभएका देउवाले लकडाउनमा अनियमितता, बेथिति, भ्रष्टाचार र अलोकतान्त्रिक व्यवहार बढ्दै जाने खतरा देखिएकाले सञ्चारमाध्यमले खबरदारीको भूमिका अझै बढाउन पर्ने बताउनुभयो ।

देउवालले यस्तो बेलामा निडर भएर कलम चलाउन पत्रकारलाई आग्रह गर्नुभयो । उहाँले भ्रष्टाचारका विवरण सार्वजनिक गर्ने सञ्चारमाध्यमलाई धन्यवाद दिएर दोषीलाई कारबाही गर्नुपर्नेमा प्रधानमन्त्रीले सञ्चारमाध्यम र सामाजिक सञ्जालले अस्थिरता फैलाएको आरोप लगाएकोप्रति आपत्ति जनाउनुभयो । काङ्ग्रेस सभापतिले प्रेस स्वतन्त्रताविरोधी अभिव्यक्ति नदोहोर्याउन प्रधानमन्त्रीलाई आग्रह गर्नुभयो ।

सभापति देउवाले कोरोनाको जोखिमको कारण कयौँ श्रमजीवी पत्रकार बेरोजगार भएका, आम्दानी घट्दा केही सञ्चारमाध्यम बन्द भएका र बाँकी सङ्कटमा परेकाले पत्रकारिता क्षेत्रको चुनौती सामना गर्न राहत प्याकेज ल्याउन सरकारसँग माग गर्नुभयो । देशभरका पत्रकारका लागि स्वास्थ्य सुरक्षा सामग्री उपलब्ध गराउन सरकार गम्भीर नभएको, जोखिममा रहेका पत्रकारको परीक्षण नगरिएकाले जोखिममा रहेको पत्रकारिता क्षेत्रलाई सुरक्षित गर्न पनि उहाँले सरकारसँग माग गर्नुभयो ।

लकडाउन भएको दुई महिना पूरा भएपनि अझै पर्याप्त परीक्षण नभएको, क्वरेण्टीनमा आवश्यक पूर्वाधार नरहेको, अत्यावश्यक राहतको उचित व्यवस्थापन नभएको र विदेशमा अप्ठ्यारोमा परेका नेपालीलाई उद्धार गर्ने कुनै योजना नबनाएकाबारे सञ्चारमाध्यमले अझै खरो ढङ्गले आवाज उठाउनुपर्ने सभापति देउवाको भनाइ छ ।

अन्तिम अपडेट: माघ ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

लकडाउनमा अझ सशक्त रुपमा सरकारलाई खबरदारी गर्न सञ्चारकर्मीलाई देउवाको आग्रह

फाइल फोटो

तपाईको प्रतिक्रिया