विदेशबाट उद्धार गरेर ल्याइएका गर्भवती र सुत्केरीलाई छुट्टै क्वरेण्टीनमा राखिने

जेठ २५, २०७७ आइतबार १६:१:६ | उज्यालो सहकर्मी

काठमाण्डौ – महिला, बालबालिका तथा ज्येष्ठ नागरिक मन्त्री पार्वत गुरुङले विदेशबाट उद्धार गरेर ल्याइएका गर्भवती तथा सुत्केरीका लागि छुट्टै क्वरेण्टीनको व्यवस्था गर्ने बताउनुभएको छ ।

मन्त्री गुरुङले गर्भवती तथा सुत्केरी महिलाका लागि क्वरेण्टीनलगायत अरु आवश्यक व्यवस्था गर्न सामाजिक सङ्घ संस्था परिचालन गरिएको पनि स्पष्ट पार्नुभयो ।

आइतबार विज्ञहरुसँगको भर्चुअल बैठकमा उहाँले कोरोना भाइरसको महामारीबाट असहाय बालबालिका, ज्येष्ठ नागरिक, अपाङ्गता भएका व्यक्तिलगायत संवेदनशील वर्ग र समूदायको सुरक्षा गर्न सरकारले विशेष ध्यान दिइरहेको बताउनुभयाे ।

मन्त्री गुरुङले सरकाले लकडाउन खुकुलो बनाउँदै लैजाने नीति लिएको र त्यसकाे लागि आवश्यक सुझाव दिन पनि सम्बन्धित पक्षलाई आग्रह गर्नुभयो । बैठकमा सहभागीहरुले महिलाकाे लागि छुट्टै क्वरेण्टीनको व्यवस्था गर्न र महिला हिंसाकाे घटना हुन नदिन मन्त्री गुरुङको ध्यानाकर्षण गराएका छन् ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्