असफलतालाई बदल्न सरकार तयार रहोस् : कांग्रेस सचेतक खाँण

जेठ २५, २०७७ आइतबार १६:१८:२२ | उज्यालो सहकर्मी

काठमाण्डौ – नेपाली कांग्रेसका प्रमुख सचेतक बालकृष्ण खाँणले असफलतालाई बदल्नकाे लागि तयार रहन सत्तारुढ दललाई सुझाव दिनुभएको छ ।

प्रतिनिधि सभाको आइतबारको बैठकमा उहाँले कोरोना, बाढी पहिरो तथा प्रशासनिक व्यवस्थापनलगायतमा सरकार पूर्णरुपमा असफल भएको बताउनुभएको हो ।

सरकार तथा प्रधानमन्त्री असफल भए पनि देश असफल हुन नसक्ने भन्दै उहाँले असफल प्रधानमन्त्री र असफल सरकारलाई बोकेर नहिँड्न सत्तापक्षका सांसदहरुलाई सुझाव दिनुभएको छ ।

उहाँले भन्नुभयो, ‘कोरोना, बाढी पहिरो, प्रशासन व्यवस्थापनलगायतमा पूर्णरुपमा सरकार असफल भएको छ । सत्तासीन पार्टी गम्भीर बनोस् । असफलतालाई बदल्न तयार होस् । सरकार असफल होला, प्रधानमन्त्री असफल हुनुहोला, देश असफल हुनुहुँदैन । यस विषयमा सत्तासीन पार्टीले गम्भीर निर्णय गरोस् ।'

उहाँले कालापानी, लिपुलेक र लिम्पियाधुरा भारतीय अतिक्रमणबाट फिर्ता ल्याउने विषयमा बजेट विनियोजन नभएकाेले आवश्यक बजेट छुट्याउन पनि माग गर्नुभयो ।

साथै देशको आवश्यकता हेरेर भन्सार बढाउने र घटाउने निर्णय गर्नुपर्नेमा त्यसो हुन नसकेको भन्दै उहाँले सरकारलाई ‘चकलेटी सरकार’ को संज्ञा दिनुभयो ।

उहाँले विद्युतीय सवारी साधनमा भन्सार वृद्धि गरिएकोमा आपत्ति जनाउनुभएको छ । उहाँले बन्द रहेका शैक्षिक संस्था सञ्चालन सम्बन्धमा शिक्षा मन्त्रीले दिएको अभिव्यक्तिप्रति समेत आपत्ति जनाउनुभएको छ ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

असफलतालाई बदल्न सरकार तयार रहोस् : कांग्रेस सचेतक खाँण

फाइल फोटो

तपाईको प्रतिक्रिया