पर्वत पहिरो : थप दुई जनाको शव भेटियो, चार जना अझै बेपत्ता

जेठ ३२, २०७७ आइतबार ८:३७:३ | सन्तोष थापा

पर्वत - कुस्मा नगरपापिलका-३, दुर्लुङको ढकालबारीमा शनिबार राति पहिरो जाँदा पुरिएर ज्यान गुमाउनेकाे सङ्ख्या ५ पुगेकाे छ भने ४ जना अझै बेपत्ता छन् ।

शनिबार राति ३ जनाको शव पुरिएको अवस्थामा भेटिएको थियो भने आइतबार बिहान दुई जनाको शव फेला परेको छ । आइतबार भेटिएका शव दिपा थापा र कमला विकको भएकाे उद्धारमा खटिएका सुरक्षाकर्मीले बताएका छन्।

यसअघि शनिबार साँझै पहिरोमा पुरिएका ५८ वर्षीय तुलबहादुर थापा, उहाँकी श्रीमती मीन कुमारी थापा र नातिनी विविशा थापाको शव फेला परेको थियो । अब बेपत्ता हुनेहरुमा सम्राट थापा, विवेक थापा, जेनिस विक र प्रमिसा विक रहेका छन् । उनीहरुको खोजी कार्य जारी रहेको केवल जंग गुल्मका गुल्मपति अर्जुन दुलालले जानकारी दिनुभयो ।

सम्बन्धित समाचार

पर्वतको कुश्मामा पहिरो, ३ जनाको ज्यान गयो

घटनालगत्तै नेपाल प्रहरी, नेपाली सेना, ससस्त्र प्रहरी र स्थानीय उद्धारमा खटिएका थिए । थप चार जनाको खोजी कार्य भइरहेको र सहयोगका लागि कुश्मा नगरपालिकासँग एक्स्क्याभेटरको माग गरिएको उहाँले बताउनुभयो । राति १ बजेसम्म खोजी गरेकाे र वर्षा नरोकिएकाले समस्या भएपछि सुरक्षाकर्मी फर्किएका थिए ।

शनिबार साँझ ६ बजेदेखि झण्डै दुई घण्टा आएको मुसलधारे पानीपछि पहिरो गएको हो । स्थानीयका अनुसार झण्डै तीन सय मिटर भन्दा माथिबाट पहिरो आएको छ ।

अन्तिम अपडेट: पुस ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्तोष थापा

पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्