'सरकारकाे हातखुट्टा बाँधेर चौतर्फी आक्रमण भइरहेको छ'

असार ४, २०७७ बिहीबार १५:२०:४८ | उज्यालो सहकर्मी

काठमाण्डौ – प्रतिनिधि सभा सांसद खगराज अधिकारीले सरकारकाे हातखुट्टा बाँधेर चौतर्फी आक्रमण भइरहेको बताउनुभएको छ ।

सर्वोच्च अदालतले चालु आर्थिक वर्षको साउनबाट कर उठाउन नपाउने भनेको र राष्ट्रपति कार्यालयको गलैँचा फेरेको विषयमा अलोचना गरी सरकारलाई चौतर्फी आक्रमण गरिएको बताउनुभयो ।

सरकारको हातखुट्टा बाँधेर सरकारले गर्न दिएन भन्दै चौतर्फी हमला भएको उल्लेख गर्दै उहाँले सरकारविरुद्धको आलोचनाले कोभिड—१९ विरुद्धको लडाइँभन्दा व्यवस्थाविरुद्धको लडाइँलाई हौसला दिने बताउनुभयो ।

क्वरेण्टीनमा रहेका गर्भवती र सुत्केरी महिलाहरुको समस्या समाधानको लागि सरकारलाई गम्भीर हुन आग्रह गर्दै उहाँले भन्नुभयो, ‘सरकारलाई चौतर्फी घेराबन्दी गरिएको छ । अदालतले साउनदेखि नै भ्याट उठाउन नपाउने बनाएको छ । लकडाउन धेरैपछि सुरु भएको हो तर चालु आर्थिक वर्षको साउनबाट नै भ्याट उठाउन नपाउने बनाएको छ । सरकारका हातखुट्टा बाँध्ने र राष्ट्रपति कार्यालयमा एक करोडभन्दा बढीको गलैँचा फेरियो भनेर आलोचना गर्ने यस्ता कामहरुले सरकारलाई चौतर्फी आक्रमण गरेको छ ।’

सरकारमाथि भइरहेका आक्रमणहरुको सामना गर्दै आइसोलेशन र क्वरेण्टीन बढाएर पीसीआर परीक्षणको दायरा तीव्र गतिमा बढाउनुपर्ने उहाँले बताउनुभयो । स्थानीय विकास पूर्वाधार साझेदारी कार्यक्रम र रणनीतिक सडकहरुलाई कोरोनाविरुद्ध लड्दै निरन्तरता दिनुपर्ने उहाँले बताउनुभयो ।

अन्तिम अपडेट: माघ १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

'सरकारकाे हातखुट्टा बाँधेर चौतर्फी आक्रमण भइरहेको छ'

फाइल फाेटाे

तपाईको प्रतिक्रिया