नागरिकका गुनासा आफैले टेलिफोन उठाएर सुन्छन् उर्जामन्त्री

साउन १८, २०७५ शुक्रबार १६:५५:६ | उज्यालो सहकर्मी

काठमाडौं – उर्जा, जलस्रोत तथा सिंचाइ मन्त्री वर्षमान पुनले नागरिकको गुनासो तत्काल सुनुवाइ गर्न टेलिफोन संवाद कार्यक्रम सुरु गर्नु भएको छ ।

उर्जा, जलस्रोत तथा सिंचाइ मन्त्री पुनले शुक्रबारबाट सिधै नागरिकको गुनासो सुनुवाइ गर्न मन्त्रालयबाटै टेलिफोन संवाद गर्न सुरु गर्नु भएको हो ।

त्यस अवसरमा उहाँले देशका विभिन्न भागका नागरिकको गुनासो सुनुवाइ गर्दै जलविद्युत आयोजनाको परिचालनबाट सबै भेगका नागरिकलाई समृद्ध बनाउने योजना अघि सार्नु भयो । मन्त्री पुनले हिमाल, पहाड र तराईका नागरिकलाई प्रत्यक्ष लाभ पुर्‍याउन सरकारले झण्डै ३ हजार ५ सय मेगावाट क्षमताको १६ वटा जलविद्युत आयोजना छनौट गरेको उल्लेख गर्दै त्यसले जनतालाई समृद्ध बनाउन सघाउ पुर्‍याउने विश्वास व्यक्त गर्नु भयो ।

उहाँले विद्युत आपूर्तिलाई सहज बनाउन नेपाल विद्युत प्राधिकरणलाई चुस्त बनाउने प्रतिवद्धता पनि व्यक्त गर्नु भएको थियो । मन्त्री पुनले विद्युत महशुल उठाउने विषयलाई सहज बनाउन थप गृहकार्य गर्ने आश्वासन पनि दिनु भएको थियो ।

मन्त्री पुनसँग सेवाग्राहीहरुले जलविद्युत क्षेत्रको विकासमार्फत् जनतालाई समृद्ध बनाउने योजना के छ भनि टेलिफोनमार्फत जिज्ञासा राखेका थिए ।

यता, मन्त्री पुनले मुलुकलाई एकतावद्ध बनाउन पनि सबै क्षेत्रको जनताको सहभागितामा जलविद्युत आयोजना निर्माणको काम अघि बढाउने योजना अघि सारेको जवाफ दिनु भएको थियो ।

अन्तिम अपडेट: माघ १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्