सुदूरपश्चिम प्रदेश : सङ्क्रमितमध्ये ५२ प्रतिशत निकाे, एकैदिन ४५० जना डिस्चार्ज

साउन ६, २०७७ मंगलबार १५:३९:५९ | सीताराम ओझा

कैलाली – सुदूरपश्चिम प्रदेशमा काेराेना भाइरसकाे सङ्क्रमण पुष्टि भएकामध्ये अहिलेसम्म झण्डै ५२ (५१ दशमलव ९९) प्रतिशत निको भएर घर फर्किएका छन् । अहिलेसम्म सुदूरपश्चिममा चार हजार ९५ जनामा कोरोना देखिएकोमा दुई हजार एक सय २९ जना सङ्क्रमणमुक्त भएका हुन् ।

नौ जिल्लाका विभिन्न अस्पताल र पालिकामा बनाइएका आइसोलेशनबाट दुई हजार एक सय २९ कोरोना सङ्क्रमित डिस्चार्ज भएको प्रदेशको सामाजिक विकास मन्त्रालयका स्वास्थ्य महाशाखा प्रमुख नरेन्द्र कार्कीले जानकारी दिनुभयो ।

उहाँका अनुसार सोमबार डोटी जिल्लाबाट तीन सय ७८ र अछाम जिल्लाका ७२ जना गरी चार सय ५० जनालाई घर पठाइएको छ । सामाजिक विकास मन्त्रालयका अनुसार अहिलेसम्म सबैभन्दा बढी डोटीका पाँच सय ३५, अछामका चार सय ३६, कञ्चनपुरका तीन सय ९९, डडेल्धुराका दुई सय ६७ र बैतडीका दुई सय ५२ जनालाई डिस्चार्ज गरिएको छ ।

त्यस्तै कैलालीका एक सय ३८, बझाङका ८७, दार्चुलाका १३ र बाजुराका दुई जना सङ्क्रमितलाई डिस्चार्ज गरिएको छ । सुदूरपश्चिम प्रदेशका ५५ सङ्क्रमितको विभिन्न अस्पतालमा उपचार भइरहेको छ भने एक हजार नौ सय बढीकाे पालिकाको आइसोलेशनमा उपचार भइरहेको छ ।

मन्त्रालयका अनुसार टीकापुर अस्पतालमा २१, महाकाली अस्पतालमा १८, जिल्ला अस्पताल अछाममा १०, मालाखेती अस्पतालमा तीन, डोटी अस्पतालमा दुई र सेती अस्पतालमा एक जना गरी ५५ जनाको उपचार भइरहेको छ ।

सुदूरपश्चिममा अहिलेसम्म आठ जना सङ्क्रमितको मृत्यु भइसकेको छ ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सीताराम ओझा

सीताराम ओझा कैलालीका उज्यालाे सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्