अमरगढी नगरपालिका स्मार्ट सिटी बन्ने

साउन २०, २०७५ आइतबार १९:४९:५२ | तपेन्द्र बिष्ट

डडेल्धुरा – अमरगढी नगरपालिका अब स्मार्ट सिटी बन्ने भएको छ ।

देशका विभिन्न दश शहरलाई स्मार्ट सिटीको रुपमा विकास गर्ने सरकारको लक्ष्य अनुरुप अमरगढी नगरपालिकालाई स्मार्ट सिटी बनाउने प्रारम्भीक छलफल सुरु भएको छ । आइतबार नगरपालिकामा यसको गुरु योजना (माष्टर प्लान) तयार गर्ने विषयमा सुझाव संकलन कार्य थालिएको छ ।

शहरी विकास मन्त्रालय अन्तरगतको नयाँ शहर आयोजना समन्वय कार्यालय काठमाडौँको एक टोलीले अमरगढीमा स्मार्ट सिटीको गुरु योजना (माष्टर प्लान) तयार गर्ने भएको छ ।

स्मार्ट सिटी निर्माणका लागि परामर्शदाताहरुसँग छलफल गरी विस्तृत योजना प्रतिवेदन तयार गर्ने नगर प्रमुख विशेश्वरप्रसाद ओझाले जानकारी दिनु भएको छ । उहाँले चुनावका बेला आफूले यही एजेन्डा लिएर नागरिक माझ गएको हुँदा जसरी पनि अमरगढी नगरपालिकालाई स्मार्ट सिटीका रुपमा विकास गरिने बताउनु भएको छ ।

पर्यटकीय, व्यापारिक र कृषि उत्पादनका लागि प्रख्यात ठाउँहरुलार्ई थप व्यवस्थित बनाई स्मार्ट सिटीको परिकल्पना गरिएको नयाँ शहर आयोजना समन्वय कार्यालय काठमाडौंका इञ्जिनियर कृष्णकुमार महर्जनले बताउनुभयो । उहाँले स्मार्ट सिटी हुनलाई आवश्यक भवन, विद्युत, खानेपानी, फोहोर व्यवस्थापन, यातायात सेवा, शिक्षा सरकारदेखि नागरिकसम्म स्मार्ट हुनुपर्ने बताउनु भएको छ ।

स्मार्ट सिटीका परामर्शदाता अरुणा तन्डुकारले स्मार्ट सिटी भइसकेपछि समयको बचत, पूर्वाधारको विकास, आईसीटीको प्रयोग, सेवाको गुणस्तरका वृद्धि हुने बताउनुभयो । नगरपालिकाको विभिन्न क्षेत्रका तथ्याङ्कहरु संकलन गरेर अब गुरु योजना बनाउने भएको हो । अबको ४५ दिन भित्रै तथ्याङ्क सङ्कलन गर्ने, ७० दिन भित्रै डीपीआर तयार गर्ने त्यसको २० दिन भित्रै गुरु योजना तयार पारेर स्मार्ट सिटीको विकास गरिने परामर्शदाता तन्डुकारले बताउनुभयो ।

यसअघि सरकारले १३ स्थानका सहरमा स्मार्ट सिटी निर्माण गर्ने योजना अघि सारेको थियो । १३ मध्ये पहिला लुम्बिनी, पालुङटार र निजगढ स्मार्ट सिटीको रुपमा निर्माण भइसकेको छ ।

अन्तिम अपडेट: कात्तिक २४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपेन्द्र बिष्ट

डढेलधुराका उज्यालो सहकर्मी तपेन्द्र विष्ट रेडियो अमरगढीमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्