जनता समाजवादी पार्टीकाे केन्द्रीय कार्यकारिणी बैठक सुरु

साउन २१, २०७७ बुधबार १९:१०:४२ | उज्यालो सहकर्मी

काठमाण्डाै – जनता समाजवादी पार्टीको केन्द्रीय कार्यकारिणी समितिको बैठक बुधबारदेखि सुरु भएको छ ।

समाजवादी पार्टी र राष्ट्रिय जनता पार्टी एकीकरण भएर बनेको जनता समाजवादी पार्टी (जसपा)कोे केन्द्रीय कार्यकारिणी समितिको पहिलो बैठक बुधबारदेखि सुरु भएको छ । ललितपुरको च्यासलमा रहेकाे तुलसीलाल अमात्य स्मृति प्रतिष्ठानको भवनमा बैठक सुरु भएको हो ।

बैठकको पहिलो दिन नेताहरुबीच परिचय आदानप्रदान भएको केन्द्रीय सदस्य मनिष सुमनले बताउनुभयो । उहाँले पार्टीको राजनीतिक प्रतिवेदन, अनुशासन आचारसंहिता, पार्टीको समायोजन कार्य निर्देशिका र समसामयिक राजनीतिक परिस्थितिलगायतका विषय बैठकको एजेण्डा रहेको बताउनुभयो ।

बैठकमा दुई पार्टीको एकतापछिको सङ्गठन समायोजन र पदाधिकारीको कार्य विभाजनका सम्बन्धमा पनि छलफल हुने छ । त्यस्तै पार्टी एकीकरणपछि विधि विधानअनुसार सङ्घीय संसदीय दलमा संयुक्त नेता चयन हुने र प्रदेश संसदमा पनि दलका नेता चयन हुने भएकाले प्रदेश सरकारमा पर्ने असरको सम्बन्धमा पनि छलफल हुने उहाँले बताउनुभयो ।

अन्तिम अपडेट: माघ १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्