बेङ्गलोर : सामाजिक सञ्जालकाे पोस्टलाई लिएर भएको विवादमा ३ जनाको ज्यान गयो, ११० पक्राउ

साउन २८, २०७७ बुधबार १४:०:५२ | एजेन्सी

काठमाण्डाै – भारतको शहर बेङ्गलोरमा एक सामाजिक सञ्जालको पोस्टलाई लिएर भएको विवाद र त्यसपछिको हिंसामा ज्यान गुमाउनेको सङ्ख्या तीन पुगेको छ ।

पुलिस कमिस्नर कमल पन्तले बीबीसीसँग भने, ‘गएको राति प्रहरीको गोली लागेर घाइते भएका तेस्रो व्यक्तिको ज्यान गएको हो । राति साढे १२ बजेपछि यहाँको अवस्था नियन्त्रणमा छ ।’

प्रदर्शनकारीकाे उग्र भिडले दुई वटा पुलिस स्टेशन र कांग्रेस पार्टीका एक विधायकको घरमा आक्रमण गरेपछि प्रहरीले गोली चलाएको बीबीसीमा उल्लेख छ । मानिसको भिड सामाजिक सञ्जालको एक आपत्तिजनक पोस्टविरुद्ध प्रदर्शन गर्दै पुलिस स्टेशन पुगेका थिए ।

बेङ्गलोरका पुलिस कमिस्नर कमल पन्तका अनुसार डीगे हल्ली र केजी हल्ली इलाकामा कर्फ्यु लगाइएको छ र पूरै शहरमा धारा १४४ (शान्ति व्यवस्था कायम गर्न विशेष व्यवस्था) लागू गरिएको छ ।

समाचार एजेन्सी एएनआईका अनुसार, बेङ्गलोरका ज्वाइन्ट पुलिस कमिस्नर (अपराध शाखा) संदीप पाटिलको भनाइलाई उद्धृत गर्दै यो घटनामा अहिलेसम्म एक सय १० जनालाई पक्राउ गरिएको बीबीसीले जनाएको छ ।

पुलिकेशनिगरका कांग्रेस विधायक अखण्ड श्रीनिवास मूर्तिका एक नातेदारले कथित रुपमा सामाजिक सञ्जालमा धार्मिक आस्थामा ठेस पुग्ने एक आपत्तिजनक पोस्ट गरे, त्यसको विरोधमा मानिसको ठूलो भिड पुलिस स्टेशन पुगेर पोस्ट गर्नेविरुद्ध कारबाहीको माग गरेका थिए ।

प्रहरीका अनुसार सामाजिक सञ्जालमा आपत्तिजनक पोस्ट गर्नेलाई हिरासतमा लिइएको छ । ती व्यक्तिको नाम नवीन बताइएको छ, जो विधायकको भतिज भएको बताइएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्