७३ वर्षअघिको त्यो नागासाकी र अहिलेको याे नागासाकी(फोटोमा)

साउन २४, २०७५ बिहीबार १६:१०:९ | एजेन्सी

हिरोसिमा र नागासाकी, विश्वका धेरै मानिसको जिब्रोमा झुण्डिएको शब्द ।

७३ वर्षअघि अमेरिकाको आणविक बम आक्रमणमा ध्वस्त भएका यी दुई शहरको त्यतिबेलाको सम्झना गर्दा अहिले पनि आङ जिरिङ्ग हुन्छ ।

३ दिनअघि हिरोसिमा बम हमलाको स्मरण गरियो भने आज नागासाकी हमलाको स्मरण गरिएको छ । यस अवसरका संयुक्त राष्ट्र संघका महासचिव एन्टोनियो गुटेरेसले सबै देशलाई निशस्त्रीकरणका लागि प्रतिवद्ध हुन तथा ठोस कदम चाल्न आग्रह गर्नुभएको छ ।

नागासाकीका मेयर तोमिहिसा ताउएले अहिले पूरा विश्वले नै जापान सरकारलाई निशस्त्रीकरणका लागि नेतृत्वदायी भूमिका निर्वाह गर्न आग्रह गरेको बताउनुभयो ।

अमेरिकाले हिरोसिमामा आणविक बम आक्रमण गरेको ३ दिनपछि नागासाकीमा सन् १९४५ को अगस्ट ९ तारिख अर्थात आजकै दिन ‘फ्याट म्यान’ नामको परमाणु बम खसालेको थियो ।

आणविक बम आक्रमण र त्यसका असरको कारण नागासाकीमा मात्र ७० हजारभन्दा बढीले ज्यान गुमाएका थिए । अमेरिकाले खसालेको त्यो नरसंहारकारी ‘फ्याट म्यान’को तौल ४ हजार ६ सय ३३ किलो , लम्बाई ३ दशमलव ३ मीटर र गोलाई साढे एक मीटर थियो ।

हिरोसिमामा खसालिएको लिटिल ब्वाई नामको बमका कारण भने १ लाख ४० हजार भन्दा धेरैले ज्यान गुमाएका थिए । यी दुई ठाउँमा गरिएको आक्रमणपछि जापानले अमेरिका सामु आत्मसमर्पण गरेको थियो ।

अहिलेकाे नागासाकी

सन् १९४५ काे त्राषदिपूर्ण र कहालीलाग्दाे घटनाका बाबजुद जापानले अाफूलाई रुपान्तरित गर्न सफल भएकाे छ । अमेरिकाद्वारा तहसनहस बनाइएकाे हिराेसिमा र नागासाकीकाे वर्तमान स्वरुप हेर्दा जापानकाे इच्छाशक्तिलाई सलाम गर्नैपर्छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्