सिन्धुपाल्चाेक : झ्याडी–देउराली सडककाे स्तरोन्नति सुरु, 'सडक नै समृद्धिको आधार'

असोज ४, २०७७ आइतबार २०:१०:३३ | किरण थापा

सिन्धुपाल्चोक – चौतारा बसपार्क–सिपाघाट–कात्तिके–काठमाण्डौ सडकको झ्याडी–देउराली खण्ड स्तरोन्नति कार्यको शुभारम्भ भएको छ ।

वाग्मती प्रदेश सरकारका भौतिक पूर्वाधार विकासमन्त्री रामेश्वर फुयाल तथा सामाजिक विकस मन्त्री युवराज दुलालले सडकको संयुक्त शुभारम्भ गर्नुभएको हो । १२ किलोमिटर लामो सडक स्तरोन्नतिको सम्झौता भएको हो ।

श्री प्यासिफिक इन्जिनियरिङ कम्पनी प्रालीले स्तरोन्नतिको जिम्मा लिएको यो काम २०७९ असार २७ मा सम्पन्न गर्नुपर्ने सम्झौता भएको छ । कार्यक्रममा प्रदेश सरकारका भौतिक पूर्वाधार विकासमन्त्री फुयालले यस क्षेत्रका अन्य सडक पनि विभिन्न आयोजनामार्फत बहुवर्षीय ठेक्का लगाएर स्तरोन्नतिका लागि सहयोग गर्ने बताउनुभएको छ ।

त्यस्तै प्रदेशका सामाजिक विकासमन्त्री दुलालले चुनावको बेलामा जनताले आफूहरुलाई भोटको बाकस दिएको र त्यसको जवाफमा यस्तै खालका विकासको बाकस लिएर जनतासामु आएको बताउनुभयो ।

इन्द्रावती गाउँपालिकाका अध्यक्ष एवं गाउँपालिका राष्ट्रिय महासङ्घका महासचिव वंशलाल तामाङले सडक नै समृद्धिको आधार भएको बताउनुभयो ।

त्यस्तै नेकपाका जिल्ला अध्यक्ष झम्क नेपालले निर्वाचनताका गरिएको घोषणापत्रको प्रबिद्धताअनुसार यस्तो सम्झौता गरिएको धारणा राख्नुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण थापा

किरण थापा सिन्धुपाल्चाेकका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्