प्रधानमन्त्रीले विदेशी गुप्तचरसँग भेट्नु कुटनीतिक मर्यादाकाे उल्लङ्घनका साथै राष्ट्रिय सुरक्षामा चुनाैती : गगन थापा

'केही बुद्धिजीवीहरुले प्रधानमन्त्री र गोयलबीचको भेटघाटको बचाउ गरेकाे देख्दा अचम्म लाग्छ'

कात्तिक ७, २०७७ शुक्रबार १५:७:० | उज्यालो सहकर्मी

काठमाण्डाै – नेपाली कांग्रेसका नेता एवम् सांसद गगनकुमार थापाले प्रधानमन्त्री केपी शर्मा ओली र भारतीय गुप्तचर संस्था 'रअ' का प्रमुख सामन्तकुमार गोयलबीचको भेट आपत्तिजनक भएको बताउनुभएको छ ।

सांसद थापाले शुक्रबार विज्ञप्ति निकालेर प्रधानमन्त्रीले भारतीय गुप्तचर संस्थाका प्रमुखलाई भेट्नु कुटनीतिक मर्यादाको उल्लङ्घनका साथै राष्ट्रिय सुरक्षामा नै चुनौती देखाएको बताउनुभएको छ ।

— Gagan Thapa (@thapagk) October 23, 2020

परराष्ट्र मन्त्रालय र राष्ट्रिय अनुसन्धान विभागको अनुपस्थितिमा विदेशी गुप्तचरसँग भएको भेटघाटले प्रधानमन्त्रीबाट नै राष्ट्रिय सुरक्षामा थ्रेट देखिएको थापाले निकाल्नुभएको विज्ञप्तिमा भनिएको छ । केही बुद्धिजीवीहरुले प्रधानमन्त्री र गोयलबीचको भेटघाटको बचाउ समेत गरेको भन्दै थापाले राष्ट्रिय सुरक्षाका विषयमा यस्तो भनेको देख्दा अचम्म लागेको बताउनुभएको छ ।

नेपाल–भारतबीच विवादका विषयमा छलफल हुनुपर्नेमा कसैको विमति नरहेको तर प्रक्रिया र कुटनीतिक पद्धतिअनुसार हुने र हुनुपर्ने थापाको भनाइ छ । बुधबार नेपाल आउनुभएका 'रअ' का प्रमुख गोयल बुधबार राति प्रधानमन्त्रीलाई भेटेर बिहीबार बिहान भारत फर्कनुभएको थियो ।

गोयलसँग प्रधानमन्त्रीको भेटलाई लिएर सत्तारुढ नेकपाभित्रै पनि आलोचना भइरहेको छ ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्