तमोर नदीको पुल निर्माण कार्य अन्तिम चरणमा

साउन २७, २०७५ आइतबार ८:२०:१३ | केशवप्रसाद भट्टराई

ताप्लेजुङ – पूर्वी नेपालको समृद्धिको ढोका मानिएको तमोर करिडोर अन्तर्गत पर्ने तमोर नदीको पुल निर्माण कार्य अन्तिम चरणमा पुगेको छ ।

ताप्लेजुङको ओलाङचुङगोला नाका हुँदै चीनसँग जोडिने नेपालकै सबैभन्दा छोटो राजमार्गमा रहेको तमोर नदीको पूल निर्माण कार्य अन्तिम चरणमा पुगेको हो ।

९ वर्ष अगाडि तत्कालीन समभामुख सुवासचन्द्र नेम्बाङले २०६६ सालमा शिलान्यास गरेर सम्झौता भए पनि ठेकेदार कम्पनिको लापरवाहीका कारण पुल बन्न सकेको थिएन ।

अहिले पुलमा फलाम जोडी रङ लगाउने काम पनि सकिएको ओलाङगोला लोकमार्ग आयोजनाले जनाएको छ । आयोजनाका अनुसार अब महिना दिन भित्र पुलमा गाडी गुडाउन सकिन्छ ।

१० करोड रूपैयाँको लागतमा निर्माण गर्ने गरी २०६६ सालमा निर्माण सम्झौता भए पनि ठेकेदारले समयमा काम नगर्दा काम अलपत्र परेको थियो । दुई वर्ष अगाडी नै सम्पन्न हुने गरी कन्काई, मैनाचुली र याक्थुङ्हाङ गरी तीन वटा कम्पनीले सडक डिभिजन कार्यालय इलामसँग निर्माण सम्झौता गरेका थिए ।

छिमेकी मुलुक चीन र भारतलाई जोड्ने नेपालकै छोटो दुरीको तमोर करिडोर सगै भएको यो पुल पूर्वी नेपालको समृद्धिसँग जोडिएको छ । धनकुटाको मुलघाटबाट तमोरको तीरै तीर बनाइएको तमोर करिडोरबाट नेपाल र भारत जोड्न सबै भन्दा छोटो राजमार्गमा रहेको पुलले चीन भारतमा समेत व्यापारमा सहजता ल्याउने विश्वास गरिएको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्